ညီမလေးသိတယ်မို့လား

သိတယ်မဟုတ်လား
အချစ်ဆိုတာ တစ္ဆေ
တစ္ဆေ နဲ့တူတာ အချစ် တဲ့
စကားအဖြစ်နဲ့မော
ပြောလို့သာပြောကြတာ
တွေ့ဖူးတဲ့သူရှားလိုက်တာ……..တဲ့။

သိတယ်မဟုတ်လား
ဒီမှာ..မသူဇာ
နင်ဟာ ငါ့အဖို့ ပတ္တမြား
ဘာလဲ ကြောက်သွားသလား
ငါ့လက်ထဲရောက်လို့
ဓါးသွေးကျောက်လုပ်မယ်ထင်လို့လား
လည်ပင်းမှာဆွဲထားမှာပါဟာ…တဲ့။

တစ်ခါသားက (ရမ်ဘိုမဟုတ်)
ဗန်တိုလူလေးရဲ့ဇာတ်ဝင်ခန်း
လွမ်းလို့သာလွမ်းပြတာ
ကျောချမ်းစရာဇာတ်ကားနော်။ ။

ကျောရိုးမရှိတဲ့နုတ်ခမ်းများ

မာနတဲ့
ဟာသ တစ်ခုကောက်ရတယ်
ဆေးမစားမီပုံကလေးပေါ့
လက်ကလေးနောက်ပစ်
လောကကြီးကိုသူသာချစ်သတဲ့
မလင်းပြာအပျိုဖြစ်ကာမှ
နောက်လျှာအသစ်နဲ့နတ်သံနှော
..အစက ကျုပ်မပြောလားဗျာ…
ကွယ်..သူကလည်း
..လျှာသွေးလိုက် နှာစေးလိုက် နဲ့
ဒါရေးဖို့အသက်ရှူတာဆိုပဲ
ကာဗွန်စက္ကူက သီချင်းဆိုပြတယ်
ရယ်ရတယ်နော်။
သိလား
လတ္တာမန်ဂစ်ရှကား၊အာရာဒါးနား
ခုအသံက အဒိန္နဒါနားလား
ဆားမပါတဲ့နှုတ်ခမ်း
ခွက်ထိုးခွက်လန်လွမ်းလောက်ပါတယ်။
ဒီလိုပေါ့လေ
အကြွေးရောင်းမိတဲ့ပုံကို
အကြွေးမရောင်းတဲ့ပုံက ပြုံးပုံမျိုး
ပြုံးသွားနိုင်ကာမှ
လောကကြီးကို မာန တဲ့
မီးကိုချစ်တဲ့
ဖီးနစ်နွယ်ဖလံပိုး
အတောင်ကျိုးလောက်မှ
မီးနဲ့ရေချိုးဖူးပါစ
နေကြာပန်းဝေဒနာနဲ့
အာဆူလာအတွက်
စက္ကူနဲ့ထုပ် လက်ဆောင်လုပ်ဖို့
ဖြုတ်ယူလာတဲ့
နားရွက်လောက်မှ
အသက်ဓါတ်ပါပါစ
လူပျက်ချင်း ပုဆိုးမ
တို့လောကမှ ရယ်ရတယ်
ကိုယ့်ကျောကိုသပ်
ကဗျာစပ်သတဲ့
အိမ်း..နှာစေးတတ်တာ
လွန်ပါရောကွယ်။ ။

မိဝင်းဖတ်ဖို့ကဗျာ (၁)

ဒုက္ခတွေကိုပြပြပြီး
မင်းကငါ့ကိုမြှူဆွယ်ရဲ့
ငါဘာကောင်ဆိုတာသိဖို့
ငါ့ဗိုက်ကိုဓားနဲ့ထိုးကြည့်ဖို့တော့
မကြိုးစားနဲ့လေ
ငါ့ဘဝရဲ့ဖြစ်တည်မှုဟာ
ငါ့ဗိုက်ထဲမှာမရှိဘူး
ငါ့မှာရှိသမျှငါ့ဘဝရဲ့အဓိပ္ပာယ်တွေ
မင့်ကိုသာပေးလိုက်ချင်ရဲ့
ငါ့မှာဗလာသက်သက်အခွံချည့်
ကျန်ရစ်ခဲ့စမ်းပါစေ။
မင်းနဲ့ပတ်သက်ပြီးတော့လည်း
ပြားပြားဝပ်မတတ်ကြောက်ဒူးတုန်ရဲ့
ပထမဆုံးသေနတ်သံကြားကတည်းက
လက်နက်ချဖို့သာ စိတ်ကူးနေသူပါ
မင်းနဲ့ပတ်သက်တဲ့ ငါ့ရဲ့အနာဂါတ်တိုင်းဟာ
ဘယ်တုန်းကမှငါ့ဆီကိုရောက်မလာခဲ့ဘူး
ထင်းရှူးပင်တွေပေါတဲ့တောအုပ်ကြီးထဲ
အမြဲတမ်းပုန်းပုန်းနေတဲ့အနာဂတ်ပါ။
ရူးစမ်းပါစေ ဆိုပြီး
မင်းပစ်ပေးလိုက်တဲ့အဲသည်အထုပ်ကို
ရတဲ့နေ့ကစ
တစ်ညမှအိပ်မပျော်တော့ဘူး
ဟင်းလင်းပြင်ကြီးကိုပွေ့ဖက်
ငါ့ထွက်သက်နဲ့ဝင်သက်တိုင်းမှာ
မီးနဲ့ရေ ကိုရှုသွင်းမှုတ်ထုတ်
အပြင်းစားအာရုံတွေကို ငါစားသုံးရဲ့။
လှုပ်ခတ်နေတဲ့
ငါ့စိတ်ရဲ့အသံဗလံတွေကို
မင်းကြားရဲ့လား။
ဟေ့
ငါ့ကိုသနားလို့ဆိုပြိးတော့များ
မင်းဖန်တီးထားတဲ့ဇာတ်ကွက်ဇာတ်လမ်းတွေ
ရပ်တန်းကရပ်မပစ်လိုက်ပါနဲ့
ငါဆက်ပြီးရူးစမ်းပါရစေ။
နားမလည်ပါဘူးဆိုတာကိုက
မင်း ငါ့ကို နားလည်တာပါပဲ။ ။

စံပါယ်ဖြူအိမ်မက်

လှိုင်းခတ်သံ ဂီတ...
ချိုမြ မပီပြင်၊ သည်ရင်မှာ
ကြယ်ပြာ...လပြာ...ကောင်းကင်ပြာ...
ရောင်လွှာ မြူးပြက်၊ လျှပ်လက်သလို
အို... လှလိုက်တာ။

သဲသောင်ခုံလား၊ ရေစွယ်လားလေ
ခြေသံဖွဖွ၊ ကြားနေရပေါ့
မွှေးမြသန့်စင်၊ အာရုံမြင် ရနံ့
သင်းပျံ့နေဆဲ၊ ရင်ထဲမှာ...။

စကားတိုးတိုး၊ မြူခိုးဝေေ၀
စံပယ်ရေ...စပယ်ဖြူ...
ဘယ်သူများလဲ၊ မေးလိုက်ဆဲမှာ
သဲသဲလှုပ်လှုပ်၊ ငှက်တစ်အုပ်...
ရုတ်ခြည်းပျံပြေး၊ ဟိုး အဝေးကို။

သည်အိပ်မက်မှ၊ မောင် နိုးထလည်း
တမ်းတတပ်မက်၊ ရုန်းမထွက်ချင်
သက်ဦး မြတ်မွန်၊ ရွာလွန် ရွက်တိုက်
ပြေးလိုက် ရှာဖွေ...၊
စံပယ်ရေ... စံပယ်ဖြူ...
ဘယ်သူများလဲ၊ ဘယ်မှာလဲကွယ်
ရင်ထဲ မေးမိဆဲပါ မေ။

သိန်းစွန်ငှက်အပြန်လမ်း(ပိုင်စိုးဝေ)

နောက်ဆုံးအခေါက်ပါပဲ
ကျနော် ရွာကို ပြန်လာခဲ့ပါတယ် အမေ။

ရွာဆိုတာ
တမာ ထနောင်း
ရှားစောင်း ပြာသာဒ်
သန်း ဒဟတ်ပင်တွေနဲ့
မိုးနှံချုံပုတ်၊ ရှားပင်ငုတ်တို
နီညိုညို ကျောက်ခဲလုံးတွေနဲ့
ထန်းပင်မြင့်မြင့်ကြီးတွေကြားက
တဲကလေးတလုံးပါ။

အဲဒီတဲကလေးထဲ
အမေ လဲလျောင်းနေပေါ့။

အမေ ...
ကျနော် ရောက်လာပြီ အမေ
အမေ့ခြေအစုံကို ပွေ့ဖက်
အသံမထွက်ဘဲ ကျနော် ငိုတယ်။

ထန်းပင်မြင့်မြင့်ကြီးတွေပေါ်က
ရွက်ယောင်းခြောက်တွေ
တရှဲရှဲမြည်လို့
ကျနော့်ကို စကားမပြောချင်လို့
အမေ့သွားတွေ တင်းတင်းစေ့ထားသလား၊
ကျနော့်ကို မမြင်ချင်လို့
အမေ့မျက်လုံးတွေ မှိတ်ထားသလား၊
ထ ကြည့်ပါဦး
စကားပြောပါဦး အမေရယ်။

ဟော ... အမေ ...
အမေ့ကို သူတို့
ဟိုးမှာ မန်ကျည်းပင်တွေ စိမ်းစိမ်းညို့ညို့နဲ့
ဇရပ်အိုအို
ကျောက်တုံးနီညိုညိုတွေ စီထားတဲ့
သင်္ချိုင်းဆိုတဲ့နေရာကို
ပို့ကြတော့မလို့တဲ့။

လှည်းဘီးကို ပြင်ဆင်ပြီးကြပေါ့
အမေ့အလောင်းကို
ခေါင်းထဲထည့်ကြပေါ့
ကြေးစည်ကို
ရိုက်နှက်ကြပေါ့
ကျနော် မငိုပါဘူး အမေ
ငိုလို့ မရတော့ဘူး အမေ။

အမေ့မြေးကလေးလေးတွေ
ကျနော့်တူနဲ့ တူမလေးတွေ
သူတို့ ငိုပါစေ။

အမေ့သား သူတို့ရဲ့အဖေ
ကျနော့်အကိုကြီး
အမေ့သမီး သူတို့ရဲ့အမေ
ကျနော့်အစ်မ
သူတို့မောင်နှမ
အမေ့အရင် စောစောစီးစီး
ဟောသည်လောကကြီးထဲက
ထွက်ခွာသွားကြတော့
မိတဆိုး ဖတဆိုး
ဟောသည်ကလေးလေးတွေ
အမေ့အတွက် သူတို့ငိုပါစေ။

အမေ့အတွက်
သူတို့မျက်ရည်တွေဟာ
ထိုက်တန်ပါတယ် အမေ။

ကျနော်ကတော့
နွေဦးရက်တွေအကြောင်း
သီချင်းမဆိုနိုင်တဲ့
ဥသြငှက်တကောင်ရဲ့ ကြေကွဲမှုလို
ယာခင်းထဲက အမေ့ဘဝကို
အဝေးကပဲ
တမ်းတပူဆွေးခဲ့သူပါ အမေ။

“အမေ နေကောင်းပါစေ ...
အမေ့အား ထာဝရလုပ်ကျွေးပြုစုနိုင်သည့်ကိုယ်
ဖြစ်ရပါလို၏”

ညအိပ်ရာဝင်၊ ရင်ထဲလှုပ်ခတ်
ပဲ့တင်ထပ်ခဲ့တဲ့
ခွန်အားမဲ့ ဆုတောင်းသံများကြား
ရှည်လျားလွန်းတဲ့ ညတွေသာ
ခန္ဓာကိုယ်ပေါ်
တိတ်ဆိတ်စွာ ကြေပြုန်းခဲ့ရ။

မနေ့ကတော့
“အမေဆုံးပြီ။ အမြန်လာ” တဲ့
ကုသိုလ်ကြမ္မာ၊ နုံချာလို့လား
ဆုတောင်းများ
မပြည့်ဝခဲ့ဘူး အမေ။

အမေက မွေးပေမယ့်
အမေကို လုပ်မကျွေးနိုင်ခဲ့တဲ့
ဟောသည် ခန္ဓာကိုယ်ကြီးဟာ
ဘာအသုံးကျတော့မှာလဲ။

အဲသည်လို နောင်တတရားတွေက
နှလုံးသားကို ကုတ်ခြစ်
ဘဝဆိုတာကိုလည်း
မကျေမနပ်ဖြစ်မိပေါ့။

ကျနော် မငိုရဲတော့ပါဘူး အမေ
ငိုဖို့ရာ ရှက်လှပါတယ် အမေ
အမေနဲ့အတူ
အမေကို ခြေဆုပ်လက်နယ်ပြုခဲ့တဲ့
ဟောသည် ကလေးလေးတွေ
သူတို့ ငိုပါစေ
ကြေးစည်ကို သူတို့ ရိုက်နှက်ကြပေါ့
လှည်းဘီးကို သူတို့ တွန်းကြပေါ့။

ဟော ...
နီညိုညိုကျောက်တုံးတွေကြားက
ရထားတစင်းဟာ
အဝေးကို ထွက်သွားပြီ။

ဟိုး ... လွန်ခဲ့တဲ့ အနှစ်နှစ်ဆယ်
သည်ရွာက လူငယ်
ကျေးတောသားတယောက်
သည်ရွာကို ပြန်ရောက်မလာ
ရထားဟာ သူ့ကို
အဝေးသို့ ခေါ်ဆောင်သွားခဲ့။

သူနဲ့ သူစီးသွားတဲ့ ရထားအကြောင်း
လူတွေ မေ့ကြပေါ့
ပြောဆိုအမှတ်ရသူ
တစုံတယောက်မျှ မရှိတော့။

အဲသည်လူငယ်ဟာ
အခု
အမေ့အလောင်း အမေ့ခေါင်းကို
ဖက်ဖက်ပြီး ငိုနေတဲ့
ကျနော်ပဲပါ့ အမေ။

ဟောသည်ယာခင်းတွေကြား
အမေ နေ့တိုင်းလှုပ်ရှားခဲ့တာ
ကျနော်မမြင်နိုင်ခဲ့ဘူး။

အမေ့သမီး
ကျနော့်အစ်မရဲ့ ယောက်ျားက
ထန်းရည်သမား၊ ထန်းရည်ချိုး၊
အမေ့သား
ကျနော့်အစ်ကိုကြီးရဲ့ မိန်းမက
မီးယပ်ကျိုး၊ မျက်စိတဘက်ကွယ်၊
သူတို့တတွေနဲ့ ကျန်ရစ်ခဲ့တဲ့
အမေ့မြေး ကလေးတွေနဲ့အတူ
ထန်းလျက်ကျို၊ ထင်းခွေရေခပ်
ငတ်မသေဖို့
အမေ ရုန်းကန်ခဲ့တဲ့နေ့တွေမှာ
ကျနော်သာ
ဟိုအဝေးမှာပေါ့။

ဟိုတနှစ်က
တရွာလုံး မီးလောင်ပြာကျ
အဲသည်ကတည်းက အမေဟာ
ရွာထဲကို ပြန်မရောက်
အိမ်ပြန်မဆောက်နိုင်
ထန်းပင်အောက်က ထန်းတဲမှာ
အမေ အနေကြာခဲ့ပါတယ်။

အမေရေ ...
အမေရေ ... ...
ကြေးစည်ကို ရိုက်နှက်ကြပေါ့
လှည်းဘီးကို သူတို့တွန်းကြပေါ့
ဟိုး ... အနောက်တောင်တောတန်းက
ထန်းပင်ရိပ်ဖျားမှာ
နေလုံးဟာ တဖြည်းဖြည်းညိုခဲ့ပေါ့။

တောင်သူဓလေ့
ယာမီးငွေ့တွေ လွင့်တက်လာပေါ့။

ဟိုတောင်ကမူကမ်းပါးမှာ
မြက်စားနေတဲ့ နွားမတွေက
အမေ့ကို နှုတ်ဆက်နေကြသလား။

သိန်းစွန်ငှက်အပြန်လမ်းမှာ
ကျီးကန်းတွေ ကသုတ်ကရက်နဲ့
ရွာဘက်ဆီ ပျံပြေးကြပေါ့။

နေညိုချိန် အိမ်အပြန်လမ်းမှာ
တောတန်းလျှိုမြောင်
ဟို အနောက်တောင်ထဲ
မှောင်မည်းမည်းက
ကျနော့်ဘဝကို မဝါးမြိုမီ
ကလေးဘဝအရွယ်
ငယ်ငယ်တုန်းကလေ
တောင်ရိပ်တောင်ကြား
သစ်ပင်ဖျားမှာ
မားမားရပ်နေ တစ္ဆေတွေလား။

အမေရေ ...
တစ္ဆေဆို ကျနော် ကြောက်လှချည့်။

တညသား
ပျူစောထီးဆိုလား၊ ရဲဘော်ဖြူဆိုလား
တံခါးကို တအားခေါက်
နွားကောက်စမ်း မြန်မြန်လုပ်
သေနတ်တွေ ထုတ်ချိန်ပြီး
အခိုင်အခံ့ လှည်းတစင်း
နွားပြာညိုတရှဉ်းနဲ့အတူ
လှည်းမောင်းပို့ဆိုပြီး အဖေ့ကို ခေါ်သွား
ရွာအနောက်ဘက်တောအုပ်ကြားက
သေနတ်သံတချက်ကြားလိုက်ရ။

အဖေရေ ...
အဖေရေ ... ...
ကျနော်တို့မိသားစုဘဝ
ရာဇဝင်ကို ဖြတ်သန်းရတဲ့ညပေါ့။

လွတ်လပ်ရေးပြီးခါစ
သူခိုးဓားပြတွေ
တန်ခိုးပြလို့ကောင်းဆဲခေတ်ကြီးထဲ
လူဖြစ်ခဲ့ရတဲ့ ကျနော်
အမေ့ရဲ့ကျောပေါ်မှာ
သေနတ်သံတွေကြား
ပြေးလွှားပုန်းအောင်း
ရွာတောင်စောင်း နဘူးချုံထဲ
ညတိုင်းပဲ အိပ်ခဲ့ရတယ်မဟုတ်လား အမေ။

စစ်စနက်မီး အကြွင်းအကျန်တွေနဲ့
ခေတ်အပျက်ကြီးကို တွန်းလှန်ရင်း
အမေရယ် တခြားအမေတွေရယ်
အမေတွေအားလုံး
ကလေးတွေကို ပုခုံးပေါ်တင်ပြီး
ပြေးကြလွှားကြ၊ ပုန်းကြအောင်းကြနဲ့
တချို့ သားသေ၊ တချို့လင်ဆုံး
စစ်ဆိုတာကြီးကို
မုန်းခဲ့တယ်မဟုတ်လား အမေ။

အဖေ မရှိတဲ့နောက်
အမေရယ်၊ အစ်ကိုကြီးရယ်၊ အစ်မရယ်၊ ကျနော်ရယ်လေ
လောက ကမ်းပါးမှာ
စမ်းတဝါဝါး လျှောက်ခဲ့ကြပေါ့
အရွယ်ရောက်ခါစ အစ်ကိုကြီး
ထန်းလှီးသင်ရပေါ့။

အစ်ကိုကြီးဟာ
သာသနာ့ဘောင်မှာ အရိုးထုတ်
ဘုန်းကြီးလုပ်ဖို့ စိတ်ကူးရှိပေမယ့်
ကျနော်တို့အတွက်
ယုံကြည်ချက်တွေ စွန့်ခဲ့ရပြီပေါ့။

ကျနော်ကတော့
သျှောင်တစောင်းနဲ့ ဘုန်းကြီးကျောင်းသား
ပြီးတော့ ပြည်တော်သာကျောင်းရောက်
ကျောင်းဆင်းချိန်မှာ
သိုး၊ ဆိတ်၊ နွားကျောင်း
ကျနော်တို့တတွေ
ဟိုသပြေပင်တောင်စောင်းဆီက
လက်ပြဟစ်အော်
သီချင်းတကြော်ကြော်နဲ့
ခွေးခေါ်၊ ပတတ်တူး
ဟင်းရွက်ခူး၊ ယုန်ရှာ
တောင်ယာလုပ်သူ၊ ထင်းခုတ်သူတွေ
ထန်းလျက်ကျိုသူ၊ ထန်းတက်သူတွေ
နေက ပူလောင်
ကုန်းခေါင်ခေါင်မှာ
ဟိုးအနောက်တောင်မှာ
မှိုင်းပြာပြာ မြူခိုးတွေနဲ့
ပုပ္ပားဆိုတဲ့ တောင်တော်မြတ်ကြီးဆီ
မျှော်ကြည့်ငေးမော
စိမ်းလန်းတဲ့ ယာတောတွေကြား
အစ်ကိုကြီးက ထန်းလှီး
ကျနော်က ထန်းရည်အိုးသယ်
အမေရယ်၊ အစ်မရယ်က
ထန်းလျက်ကျို၊ ရက်ကန်းခတ်၊ ထင်းခွေ
တခါတလေ မြေပဲကောက်
တခါတလေ ဝါစိုက်
တောအလိုက်လုပ်ငန်းစုံပေါ့။

“မြို့ရွာနိဂုံး၊ ပျက်ပြုန်းစေအောင်
ဓားပြကြီးကြီး မိုက်သီးအခေါင်
မီးနှင့်မြိုက်လို့၊ တိုက်ခိုက်ပူလောင်
ဝ သ လ၊ မှတ်ကြ သူယုတ်ကောင်”

“ခလောက်လေးရယ်တဲ့ ဒိုးဒိုးဒေါင်
ပျိုတို့မောင် ယာမလုပ်တယ်
ဝါးခုတ်တဲ့ တောင်”

အဲသည်လို အကိုကြီး တတ်တဲ့
ကဗျာတွေ၊ သံပေါက်တွေ
ကျနော့်မှာ အမွေရခဲ့ပေါ့။

“နေညိုချိန်တိမ်တောက် ပျိုကြောက်တဲ့ သည်အချိန်
ဆီးမီးကွယ်မှန်အိမ်နဲ့ ... ”

အဲသည်လို
ကျေးလက်ဘဝ သီချင်းကဗျာတွေ
ရင်ထဲမှာ အမြစ်တွယ်ခဲ့ရပေါ့။

အမေရေ ...
ကြေးစည်ကို ရိုက်နှက်နေကြပေါ့
လှည်းဘီးကို သူတို့တွန်းကြပေါ့။

အမေခေါင်းချခဲ့တဲ့ တဲကလေးဟာ
အမေ့ရွာနဲ့ အလှမ်းဝေးပေမယ့်
သည်တောသည်တောင်ကြား
အမေ့ကို
တယောက်တည်း မထားရက်ပါဘူး အမေ။

အမေ့အမေ ကျနော့်အဘွား
ကျနော့်အဘွားရဲ့ အမေ့အမေ ... စတဲ့
ဆွေမျိုးတော်စပ်သူရော မတော်သူပါ
တရွာလုံးနောက်ဆုံး စုဝေးရာ
ဟောဟို ဇရပ်အိုအိုရဲ့
သုဿာန်ဆိုတဲ့ နေရာရောက်အောင်
အမေ့ကို
ကျနော်တို့ ပို့မှာပေါ့။

လမ်းက ကြမ်းလိုက်တာအမေ
တောင်ကမူကျတ်တီးကြား
နှစ်တွေများစွာ ရေတိုက်စားမှုနဲ့
ပျက်လုလု လှည်းလမ်းပေါ်မှာ
အမေ့ခေါင်းဟာ၊ လှုပ်ယမ်းလှချည့်။

ဖြည်းဖြည်း ... ဖြည်းဖြည်း ...
ဆူးကိုင်းတွေ ဘေးဖယ်
မျက်နှာကို ခြစ်မိကြဦးမယ်။

ဟိုသုဿာန်ကို ရောက်တဲ့ခါ
ဘုန်းကြီးတွေက
သရဏဂုံကို ရွတ်ဖတ်
ကျနော့်လက်နဲ့ ရေစက်သွန်းချ အမျှဝေ
အမေ ကောင်းရာသုဂတိလားပါစေ ...လို့
ကျနော် အမျှဝေမယ်။

ကျနော့်ကိုယ်ပေါ်မှာ
ဖုန်တွေပေကပ်
ညစ်ပတ်နေမလားပဲ။

မန္တလေးက မိတ္ထီလာ
မလှိုင် ပန်းအိုင်တလမ်းလုံး
ဖုန်လုံးကြီးထဲ ဖြတ်ခဲ့ရ
အခုလည်းပဲ ဖုန်လုံးကြီးထဲမှာ
ဖုန်တွေ ပေကပ် ညစ်ပတ်နေမလားပဲ။

ဟိုသုဿာန်ကို ရောက်လို့
ရေစက်သွန်းချ အမျှဝေတဲ့အခါ
ငယ်ဆရာ ဘုန်းတော်ကြီး
ကျနော့်ကို ကြည့်ပြီး
အံ့သြနေလိမ့်မယ်။

ညရောက်တဲ့အခါ
ဦးလေးဘယ်နေ့ ပြန်မှာလဲ
တနှစ်တခါ ပြန်လာပါနော်
ကျနော် ကျောင်းဆက်နေချင်တယ်
ညီမလေးမှာ ဝတ်စရာအင်္ကျီ မရှိတော့ဘူး
ဟောဒီ အငယ်မ မနှစ်က နှစ်တန်းကျတယ် ငါ့မောင်ရယ်
ဟောဒီကျန်နေတဲ့ မျက်စိတဘက်ကလည်း ဆရာဝန်က ခွဲရမယ်တဲ့
အစ်မလည်း ကြောက်တတ်လို့ ဆေးရုံကို နောက်ထပ် မရောက်တော့ပါဘူး
စတဲ့ … စတဲ့ စကားလုံးတွေကြား
ကျနော် ဘာများ တာဝန်ယူနိုင်မလဲ။

မင်းတို့အတွက်၊ ငါ့အတွက်
အနှစ်သုံးဆယ်လုံးလုံး
ဦးလေး စဉ်းစားနေတုန်းပဲ
ဦးလေးဟာ
စဉ်းစားနေတုန်းပါပဲကွယ်။

တစုံတရာ
ကတိတွေ ပေးထားပစ်ခဲ့ပြီး
နံနက်ခင်းတခုမှာ
ငှက်တကောင်လို ပျံပြေးသွားမယ်။

ဟိုတခါက
အမေ့ကို ထားပစ်ခဲ့သလိုမျိုး

“ဟောသည်ကမ္ဘာမြေကြီးရဲ့
နာမကျန်းမှုတွေကို ဆေးဝါးကုသဖို့
ကျနော် ကဗျာဆရာလုပ်ရမယ်
ကဗျာဆရာလုပ်မှဖြစ်မယ် အမေ”

အဲသလို ဆိုပြီး
အမေ့ကို ထားပစ်ခဲ့တုန်းက
ယာခင်းနံဘေး
တောလမ်းလေးပေါ်မှာ
မြက်ရိုင်းပင်တွေကို တိုးဖြတ်
တရှပ်ရှပ်နဲ့ ကျနော့်ဖိနပ်သံတွေ
ကျန်ရစ်ခဲ့တယ်။

ယာခင်းတွေ နောက်မှာချန်
တောတန်းတွေ ကျန်ရစ်ခဲ့တယ်။

ကျောက်စရစ်ကုန်းခေါင်
တလင်းပြောင်မှာ
ယုန်ထောင်၊ ပတတ်တူး၊ ချိုးတည်
ငယ်ဘဝတွေ ကျန်ရစ်ခဲ့တယ်။

လိမ်လိမ်မာမာနေဖို့
စကားလုံးတို့ တုန်ခါ
အမေ့မျက်နှာပေါ်က
မျက်ရည်စတွေ ကျန်ရစ်ခဲ့တယ်။

သူငယ်ချင်းတွေ
လက်ပြနေဆဲ၊ ဥသြဆွဲပေါ့
တရှဲရှဲမြည်လျက် ရထားထွက်ခွာ
တုန်ခါနေတဲ့ ဓာတ်ကြိုးပေါ်မှာ
တောကျီးကန်းတကောင်
အော်မြည်ရင်း ကျန်ရစ်ခဲ့တယ်။

မြို့ပြဘဝရဲ့
ခံစားမှုမြစ် ရသသစ်ထဲမှာ
ပလက်ဖောင်းတလျှောက်
ဓာတ်တိုင် မီးတိုင်တွေအောက်
တယောက်ကို တယောက်
ဖြတ်ကျော်လျှောက်သွားရင်း
သူစိမ်းဆန်တဲ့ လူတွေကြားမှာ
ဟို ... အနောက်တောင်ဆီကို ရော်ရမ်း
တောလမ်းကလေးကို
လွမ်းခဲ့ရပေါ့ အမေ။

နေညိုချိန်အိမ်အပြန်
လမ်းဘေးတိုက်ကြား ဓာတ်တိုင်နားမှာ
မားမားရပ်နေ တစ္ဆေတွေလား
“အမေရေ ... တစ္ဆေကို ကျနော် ကြောက်လှချည့်”
ယောင်ရမ်း ရွတ်ဆိုမိသော်လည်း
ရဲရဲတင်းတင်း
ဖြတ်သန်းရပြီ အမေ။

လူမှုဗေဒ ဝေါဟာရနဲ့
ရသသစ်တွေက
နှလုံးသားကို တအားကုတ်ခြစ်
ပွတ်သပ်ပြီး ဖြေသော်လည်း
ယားယံမြဲပါအမေ။

ဆည်းဆာရီထဲ
တိုးရှဲဖြတ်သန်း
ကိုယ့်လမ်းကို သွားခဲ့ရ
စကားငြင်းဆန်
ကားဟွန်းသံတွေကြား
နှလုံးသားတိတ်ဆိတ် မသိစိတ်မှာ
ရောဂါထူပြောခဲ့ပေါ့ အမေ။

အမေ့ထံ ကျနော်ပြန်မလာနိုင်တော့ဘူး
ငါ့မြေးလေးတွေ
အမေ မြင်ချင်လှပြီဆို
ဟော ...
အကြီးလေးက မသုမာတဲ့
ပိန်ပိန်သွယ်သွယ် နဖူးကျယ်ကျယ်နဲ့
သိပ်ချစ်စရာကောင်းတယ် အမေ၊
အငယ်လေးက မငုဝါတဲ့
အစားပုတ်ပုတ်၊ ဝတုတ်တုတ်ကလေး၊
နောက်တယောက်က
သားကြီးမောင်ဖိုးကာ
ဆော့တဲ့နေရာမှာ မျောက်ရှုံးပါပဲ
ငယ်ငယ်လေးကတည်းက
မျောက်ကလေးလိုပဲ
ကြီးလာရင် မျောက်နဲ့တူမလားပဲ။

သူတို့မောင်နှမတတွေ
ဦးလေးတွေ၊ အဒေါ်တွေနဲ့ တွေ့ဖို့
ကျနော်လာချင်ပါရဲ့ ... ဒါပေမယ့် ... အမေ။

ဟော ...
ကျနော်တို့အားလုံးအတွက်
အရွယ်မရောက်ခင်
ထန်းလှီးသင်ခဲ့ရတဲ့ အကိုကြီး
ထန်းပင်ပေါ်က ဇောက်ထိုးကျ
အနိစ္စရောက်ခဲ့ရပြီမဟုတ်လား။

ကျနော့်အစ်မ
အမေ့သမီး ပိန်တာရိုးလေး
သားသမီးခုနှစ်ယောက်မွေးတော့
ဆင်းရဲမှုဒဏ် မခံနိုင်လို့ထင်ရဲ့
အနိစ္စရောက်ခဲ့ရပြီမဟုတ်လား အမေ။

အမေ ... သည်တောသည်တောင်ထဲမှာ
အမေ့သားသမီးတွေနဲ့
အနေဝေး၊ အသေဝေးခဲ့ကြရသော်လည်း
အမေတယောက်တည်းမဟုတ်လား။

အမေ့မြေးတအုပ်နဲ့
ထန်းလျက်ကျို၊ ထင်းခွေ၊ ရေခပ်
ကျနော် တပြားတချပ်မှ
မထောက်ပံ့နိုင်ပေမယ့်၊ ငတ်မသေခဲ့ဘူး
အမေ သေရတာ
ငတ်လို့ မဟုတ်ဘူး အမေ။

မနေ့က အမေဆုံးကြောင်း ကြေးနန်းရတော့
ခရီးသွားဖို့ ဇနီးမယားနဲ့ တိုင်ပင်
ပြင်ရဆင်ရ ငွေရှာရနဲ့ပေါ့။

ညရောက်တော့လည်း ရင်ထဲမအေး
ပူဆွေးနေဆဲမှာ
ကလေးတွေက တီဗီသွားကြည့်ကြသတဲ့
သြော် ... မင်းတို့ အဖွားသေတဲ့ ရက်
မင်းတို့အတွက်
ဘာမှ မခံစားရပါလားနော်။
ငယ်သေးတဲ့ ကလေးလေးတွေပဲဆိုတာက တကဏ္ဍပေါ့။

မြို့ပြမှာနေတဲ့ အမေ့မြေးကလေးတွေ
အမေနဲ့ တအားဝေးခဲ့ပါလားဆိုတဲ့ အတွေးတွေက တကယ့်ကိုပါပဲ
ဘဝဆိုတာကိုလည်း
မကျေမနပ်ဖြစ်ရပြန်ပေါ့ အမေ
ခံစားရပြီပေါ့
ကျနော် ခံစားရပြီပေါ့ အမေ။

ကျနော်ဟာ
အဲဘတ်ကမူးမှ မဟုတ်ဘဲ
ကျနော်ဟာ
မာဆိုးမှ မဟုတ်ဘဲ
အခက်အခဲတွေ ရှိပေမယ့်
ကျနော်ဟာ
ဗုဒ္ဓဘာသာ ဗမာယဉ်ကျေးမှုထဲက
လူတယောက်အဖြစ်နဲ့ပဲ
အသက်ရှင်နေဆဲပါ အမေ။

အမေရေ ...
အမေရေ ... ...
အမေရေ ... ... ...
ကြေးစည်ကို ရိုက်နှက်ကြပေါ့
လှည်းဘီးကို သူတို့ တွန်းကြပေါ့
အမေ့ခေါင်းဟာ
လှည်းပေါ်မှာ ယိမ်းထိုးလို့
ရှားစောင်းပြာသာဒ်ပင်ပေါ်က
ဒေါ့ရင်းဆိုတဲ့အကောင်တွေ
တကျည်ကျည်မြည်လို့။

အမေ့မြေးကလေးလေးတွေ
အမေ့ရဲ့ ဆွေမျိုးသားချင်းကလေးတွေ
အမေ့ကို ခင်မင်တဲ့သူတွေ
မရဏတေးကို ရွတ်ဆိုငိုကြွေးလို့
အမေ့ခေါင်းပေါ်
ညောင်ရွက်တွေကြွေကျ
ဒါဟာ သင်္ခါရတရားပေဘဲလို့
ဆိုချင်သလား မသိပေဘူး အမေ။

ကုန်တန်ချိန်အပြည့်နဲ့ ကားတစီး
အဝေးပြေးလမ်းမကြီးပေါ်
ဖြတ်မောင်းသွားနေရဲ့။

ထန်းပင်မြင့်မြင့်ကြီးတွေပေါ်က
ရွက်ယောင်းခြောက်တွေ
တရှဲရှဲမြည်လို့ ...။ ။

ပိုင်စိုးဝေ

အလှသစ္စာ

မိုးရေဆေးသန့်
ဝင်းဖန့်စိမ်းလဲ့၊ပင်စည်ချဲ့လျှက်
မြရွက်ဖားဝေ၊ကမ္ဘာမြေတွင်
လေသန့်၊ရေသန့်၊မြေသန့်စေ။

ozone အလွှာထူထဲပါမှ၊ultra ကိုစုပ်
ထိန်းချုပ်ရောင်ခြည်၊ကမ္ဘာဆီသို့
ရွှေရည်လက်လက်၊ပိုက်ထွေးဖက်စေ။

စက်ရုံမှထွက်၊မီးခိုးနက်နှင့်
အက်စစ်မိုးရေ၊ကမ္ဘာမြေနှင့်ကင်းဝေးစေ။

ရေတွင်စွန့်ပစ်၊မိူက်-အညစ်နှင့်
အက်စစ်ဓါတ်ပြာ၊နူမြူပါကြောင့်
ရေပြာဆိပ်ကြွ၊ငါး-တစ်မတို့
ဘဝသေဘေး၊ကင်းဝေးကြစေ။

ရေလွှာပြန့်ပြူး၊ငါးပျော်မြူး၍
သီကြူးမြည်အော်၊ပင်လယ်ပျော်ငှက်၊သံစဉ်ဆက်စေ။

သစ်ပင်ခုတ်ဖြတ်၊ဧဓါတ်မထိန်း
မလိမ်းမြေဆီ၊ရာသီမမှန်
တောင်နံရံပြို၊စိမ့်စမ်းအို၍
တိမ်ညိုမယိမ်း၊မိုးမဟိန်းနှင့်
အစိမ်းမဖုံး၊တောင်ကတုံးကို
သျှောင်ထုံးကြစေ။

ပင်ရိပ်ဝေဝေ၊စိမ်းစိုမြေနှင့်
ရေတံခွန်စမ်း၊ဟေဝန်နန်းဝယ်
နွယ်ဒန်းစီစီ၊ပန်းပွင့်သီ၍
ကျီကျာသံလွင်၊ငှက်သဘင်ကျင်း
လှခင်းစုံသော၊မြက်ခင်းမြလွှာစိမ်းစိုစေ။

လူ့ပတ်ဝန်းကျင်
အမြင်လှပ၊ထာဝရဖြစ်ရန်
နက်ဖန်မဟုတ်၊ယနေ့လုပ်မည်
အသိချည်၍၊ကိုယ်စီထိန်းသိမ်းနိူင်ကြစေ။

လေကမ္ဘာ၊ရေကမ္ဘာ၊မြေကမ္ဘာတွင်
ငြိမ်းချမ်းစဉ်ဖို့၊သင်လဲတာဝန်ကျေပါစေ။

မိုးရေဆေးသန့်
ဝင်းဖန့်စိမ်းလဲ့၊ပင်စည်ချဲ့လျှက်
မြရွက်ဖားဝေ၊ကမ္ဘာမြေတွင်
လေသန့်×××××××××
ရေသန့်×××××××××××
မြေသန့်စေ။×××××××××××××××××××

တန်ဖိုး

ဖြူနှစ်ဖွေးလက်နို့တစ်ခွက်က
ညံ့သက်ဆိမ့်မွှေးလှပါ၏
မီးဖိုထက်တွင်နို့ခွက်တင်၍
သွင်သွင်ခတ်မွှေ နို့ချိုရည်လည်း
အခြေပြောင်းလဲ အသွင်ကွဲ၏
ပြစ်ခဲထောပတ်ဖြစ်လေ၏......
နို့တစ်ခွက်မှ ချက်ယူရသော
မွှေးမြထောပတ် ရသာဓာတ်သည်
မူလတန်ဖိုး နို့ရည်မျိုးနှင့်
အချိုးအစား ပြောင်းလဲ၏ ။။။။။။

တောင်စဉ်တောင်တန်းတွေ မြူခြေအုံမှိုင်းဝေ စာသင်ကျောင်းလေးတစ်ကျောင်းရှိလို့နေ

ကျွန်တော်ဟာ အခြေအမြစ်မရှိတဲ့ တောဘဲတစ်ကောင်အုပ် ပေါ့ ၊
ကျွန်တော်တို့ရဲ့ ငွေဖြူတွေကို ငွေမည်း အဖြစ် ပြောင်းလဲ
အိပ်မက်နှစ်ခုဟာ ညတစ်ည ဖြစ်လာခဲ့တယ် ။
အပျက် အဆက်တွေ တောက်ခဲ့ရတဲ့ ကြားထဲမှာ
ခွေးသားတံဆိပ် ခဲတံကြီးဟာ ကွန်ပျူတာကီးဘုတ်လေးနဲ့
အစားထိုး
ဒါရိုးရိုးဇာတ်လမ်း မဟုတ်ဘူးလို့ ဆိုကြပြန်ရော
တရားက လိုအပ်တာ မဟုတ်ပဲ တရားကို လိုအပ်ခြင်း ဖြစ်သောအခါ
မည့်သူကိုမျှ မည်သူကမှ ကူကယ်မခြင်း
များကို လေ့လာမည်
များကို ပစ်ပယ်မည်
အခြေအနေအရပ်ရပ်ကို တစ်ရောင်တည်း ရွေးချယ်ကာ တစ်ရောင်တည်း ရေးချယ်ခဲ့ပါလျှင်
ပညာတက်များသည် အထွေထွေ အပြားပြား ဖြစ်တက်ချေရာ
ကံကြမ္မာငင် ၀ါကျဆင်များ အတွက်
စွမ်းရည်ပင် လိုအပ်လေရာ စွမ်းရည်ကို အသိအမှတ်ပြုခြင်းပင် လိုအပ်ပေသည် ။
သူတို့၏ အမြင်ရသော် မမြင်ရသော် ကောင်း၏။
အခြေအမြစ်မရှိတဲ့ ငွေဖြူတွေကို ညတစ်ညဟာ တောဘဲတစ်အုပ်ရဲ့ ငွေမဲတွေအဖြစ် ပြောင်းလဲခဲ့ပြီဖြစ်ကြောင်း ကျွန်တော်ရဲ့ အိပ်မက်နှစ်ခုမှာ တောဘဲတစ်ကောင်က…..။

ငွေမိုး

အိပ်မက်ထဲမှာ
ငွေမိုးလေး ရွာနေတယ်။

နိုးလာတော့ တကယ်ပဲ
ငွေမိုးလေး ရွာနေတယ်။ ။

ခင်ဝမ်း

နှစ်ယောက်

မနက်စောစော လမ်းလျှောက်ခြင်းကို
သင်ယုံကြည်သလားလို့ ပြတင်းပေါက်က မေးလိုက်တယ်
တွေဝေစိတ်နဲ့ လှည့်ကြည့်လိုက်တော့
ကြည်လင်တဲ့ မှန် ၆ချပ်ကိုဖြတ်ပြီး တိမ်ညိုတွေဟာ
ချိန်းထားသူရှိနေသလို သွားနေတာ တွေ့လိုက်ရတယ် …

သင်ဟာ အကြင်နာကို တောင့်တနေသလားလို့
ခေါင်မိုးက မေးလိုက်တယ်
စိတ်က ခေါင်မိုးဆီ ရောက်သွားတော့ ခေါင်မိုးပေါ်
မိုးတဖြောက်ဖြောက် ကျနေသံ ကြားလိုက်ရတယ် …

တကယ်တော့ … ကျွန်တော်ဟာ…
အိပ်ရာတစ်ခုပေါ် အိပ်နေတာမဟုတ်ပဲ
ရုံးခန်းတခုရဲ့ စားပွဲပေါ်မှာ အိပ်နေတာပါ..

ခင်ဝမ်း

လမ်းပေါ်မှာ

လှလိုက်တာ၊ ငါ တီးတိုးဆိုမိ
ဪ၊ မင်းကို ရည်ညွှန်းဆိုမိတာပါ
လမ်းပေါ်မှာ ငါလျှောက်လှမ်းနေချိန်မှာ
လမ်းပေါ်မှာ၊ လမ်းပေါ်မှာ
လမ်းပေါ်မှာ၊ လမ်းပေါ်မှာ။

ခင်ဝမ်း

သူယောင်နေ့များ

ဘာအာမခံချက်တွေမှပေးမထားဘဲ
မနက်ဖြန်တွေကိုပဲ ကျုပ်တို့မျှော်လင့်
အခွင့်အရေးတစ်ခုတလေများ
မျက်စိလည်လမ်းမှား…ပါလာလေမလားလို့…။

မျှော်လင့်ချက်အသစ်စက်စက်တွေနဲ့
စိစိညက်ညက်ကြေနေတဲ့ရင်ခွင်
ဘဝင်များတောင်မြင့်နေသေး
မရောက်လာသေးတဲ့ မနက်ဖြန်ဟာ…
မဟာအခွင့်အရေးသစ်တွေကိုပဲ
ချစ်မြတ်ခွင့်ပေးတော့မယောင်နဲ့…။

တည်းတည်းမျှင်မျှင်ကျန်နေတဲ့
ရှင်သန်နေထိုင်မှုကို
အင်မတန်ထုထည်ကြီးသယောင်ဖန်ဆင်း
ခပ်တင်းတင်းနဲ့…
မနက်ဖြန်တွေကို လိုက်လံခူးဆွတ်နေလိုက်တာ
အရူးအမူးပါပဲ။

မနော်ဟရီ

နှင်းစက်ရက်လွန်

ရှုံးနိမ့်ခဲ့ရတဲ့ တောင်ကုန်းလေးရဲ့ခံတပ်စောင့်ဟာ… ငါပါ
ငါ့ရဲ့မြစ်ပြင်ကျယ်ကလေးကတော့… ဟိုးအဝေးမှာ
ဗေဒါတချို့ မြစ်ကျဉ်းတချို့နဲ့… ခပ်တိုးတိုးလေးစီးဆင်းလို့
တကယ်တော့…
လွင်ပြင်တွေဘယ်လောက်ပဲ ကာဆီးကာဆီး
ငါတို့ရဲ့ကောင်းကင်ပြာကတော့… တစ်ခုတည်းပါပဲ။
လရောင်ဖြာကျနေပုံကအစ အထီးကျန်ဆန်လှတဲ့ညတွေ
…….
အများကြီးပါ
တကယ်ဆိုရင်…
ပန်းရနံ့လေးပဲဖြစ်ဖြစ် သာသာယာယာကြားချင်မိတာပေါ့
အာရုံတွေကန်းနေတဲ့လူတစ်ယောက်ဖြစ်ခဲ့ရင်တော့ အကောင်းသား
ခုတော့လည်း…
လောကရဲ့ဆွံ့အမှုတွေကိုအဓိပ္ပာယ်ရှာ… သည်းခံတတ်ခဲ့ပါပြီ။
ငှက်ကလေးရေ…
နာကျင်နေတဲ့တေးတွေကို အလိုမကျစွာ သီဆိုနေတုန်းလား
သံစဉ်တစ်ခုရဲ့ ဂီတကို စည်းဝါးကျကျ မခံစားတတ်သူရယ်လို့ မရှိပါဘူး
တစ်ခါတစ်ခါတော့လည်း…
ကံကြမ္မာပတ်မသံဟာရင်ကွဲမတတ် ကျယ်လောင်လွန်းလှပါတယ်
ငါကတော့… ဆောင်းခိုငှက်ကလေးတစ်ကောင်ရဲ့ ဘဝဂီတကို
ဟိုအဝေးကနေစိတ်နဲ့
ကြားနာချင်နေမိတာတစ်ခုပါပဲ။
ပန်းချီကားတစ်ချပ်ရဲ့ သက်ဝင်မှုမျိုးလောက်နဲ့တော့
ငါ့ကိုမဖြားယောင်းပါနဲ့တော့…
ငြိမ်းအေးခြင်းတွေ ခုန်ဆင်းထွက်ကျမလာမယ့်အတူတူ
အဖြူရောင်တွေ အိပ်စက်နေပါစေလေ…
(မေမေ…အိပ်ရာဝင်ပုံပြင်တွေထဲက နတ်ဆိုးတစ်ပါးပါးများ
ခရီးထွက်ခဲ့သေးသလား… )
သံယောဇဉ် ဆိုတာ
တကယ်တော့ ရာသီဥတုလေးတစ်ခုသက်သက်ပါ
ဘုရားသခင်က တိတ်တဆိတ်ဖန်ဆင်းခဲ့တဲ့အရာပေါ့…
အရာရာအစစ မိုင်ပေါင်း(၅၀ဝ)မက ဝေးကွာသွားကြတဲ့အခါ
မရိတ်သိမ်းလိုက်ရတဲ့ ပျိုးခင်းဝါဝါတွေ…
ငါတို့ရဲ့တစ်ခုတည်း ကောင်းကင်ပြင်ကြီးအောက်မှာ…
ဒဏ္ဍာရီဂီတတွေနဲ့
ပင့်သက်လွင့်ဝေနေဦးမလား… ။
ညရေ…
အမှောင်ကဝေတွေ သေဆုံးသွားတော့မှာလား…
ဆောင်းညတွေရဲ့အမှားတွေ…
ငါ့ခံတပ်ကလေးမှာ… ကဗျာမဆန်စွာ… အတုံးအရုံးစုပုံလို့
ငါတို့…
ဘာလို့… နှင်းကျခဲ့ကြတာပါလိမ့်… ။

မနော်ဟရီ

လက်တမ်းပုံပြင်

ရင်ကိုတောက်စားတတ်တဲ့ဖဲပွင့်တွေအကြောင်းကစ ရအောင်
“ချစ်တယ်”ဆိုတာတကယ်တော့“သေဆုံးခြင်း”တဲ့..
နားလည်သူတွေရဲ့ ခေါင်းတညိတ် ကိုပဲ လက်ခံမှာပါ..
အနာဂါတ်ဟာ ဘာအကြောင်း အရာမှရေးထိုး မထားတဲ့ စာရွက်တစ်ရွက် မှ မဟုတ်ပဲ
ခဲဖျက် ဆိုတာကလည်း ငယ်တုန်းပဲ အသုံးဝင်တာ…
“မသေချာဘူး”ဆိုတဲ့ လူတွေကို ပြုံးကြည့်ရင်း
မျက်နှာကြော တွေ တောင် တင်းလာ လိုက်တာ
ကမ္ဘာဦးကျမ်းကြီး တောင် မြွေတစ်ကောင်နဲ့  အကြီးအကျယ် ပြဿနာတက်လို့ ..
“ငါတို့ နောက်ဆုတ် ကြပါတော့လား”
ကိုယ့်ကိုကိုယ် ပြောတာတောင် ကြားအောင် မပြောရဲတဲ့ နောက်
ချောက်ကမ်းပါး ဆိုတာလည်း ဂန္ထ၀င် ဂီတတစ်ပါး ပဲပေါ့
တစ်ခုပဲ…တစ်ခုပဲ…
ဒီနေ့ ထိ လူတွေ အယူလွဲနေတဲ့ “အချစ် အကြောင်း စစ်စစ်” ကို
ဘယ်လို လူကမှ သေချာမသိ လေတော့
လက်တမ်းပုံပြင် တွေ တလေတလွင့် ရေပန်းစားကျန်ခဲ့တာ… မဆန်းပါဘူး။

မနော်ဟရီ
၂၀၀၃၊ ရွှေဖူးစာ မဂ္ဂဇင်း၊ အချစ်ဂျာနယ်

Good Night (ကောင်းသောညပါ)

‘ ကောင်းသောညပါ … ‘
ငါတို့ရဲ့ ဇာတ်လမ်းဟာ
မနက်ဖြန်ခါမှာ အဆုံးသတ်ရတော့မယ် … ။

ခုတော့ …
အပြာရောင် အလင်းတောင်ပံနဲ့ နတ်သမီးလေးတွေဟာ
မင်းရဲ့ နှလုံးသားက
မျက်ရည်နဲ့ ဝမ်းနည်းမှုပုံရိပ်တွေကို
ဖယ်ရှားပစ်လိမ့်မယ် …
ပြီးတော့ …
မင်းကို ‘ ငြိမ်းချမ်းခြင်း ‘ ပေးလိမ့်မယ် …
‘ ကောင်းသောညပါ … ‘

‘ ကောင်းသောညပါ … ‘
မင်းရဲ့ နားထဲမှာ …
ချစ်စရာကောင်းတဲ့ တီးတိုးသံတို့ရဲ့
နူးညံ့တဲ့ ပဲ့တင်ရိုက်ချက်တွေ …
တုန်ခါရိုက်ခတ်နေပါစေ …
ပြီးတော့ …
အိပ်စက်ခြင်းရဲ့ သဏ္ဌန်မဲ့စိတ်ကူးရိပ်တွေကနေ
မင်းရဲ့ အိပ်မက်တွေကို ဖြတ်သန်းလို့
ငါ့ရဲ့ အပြုံးရိပ်တွေ ဖြစ်တည်လာလိမ့်မယ်

] ကောင်းသောညပါ }
မင်းရဲ့ နှုတ်ခမ်းပါးတွေကို
ငါစောင့်စားနေတဲ့အခါ
မင်းရဲ့ မျက်ဝန်းတွေကို ဖွင့်ထားပေးပါ …
မင်းရဲ့ အခြွေအရံတွေကိုလည်း
မခေါ်လိုက်ပါနဲ့ဦး …
မင်းရဲ့ ရင်ခွင်ကို နမ်းရှိုက်မလို့
နောက်တစ်ကြိမ်တည်းရယ်ပါ … ။

‘ ကောင်းသောညပါ … ‘
ဒါဟာ သိပ်ကိုနောက်ကျနေခဲ့ပြီးလား …
…
‘ ကောင်းသောညပါ … ‘
တံခါးကိုပိတ်လို့ မင်းလှည့်ထွက်သွားတ်ယ
…
‘ ကောင်းသောညပါ ‘
… ဟုတ်တယ် …
မင်း …
ငါ့ရဲ့ ‘ ကောင်းသောည ‘ နှုတ်ဆက်သံကို
မစောင့်ဘဲ
ဘယ်တော့မှ
အိပ်ရာဝင်မှာ မဟုတ်ပါဘူး။

မနော်ဟရီ

"အဇ္ဈတ္တ" ကိုရှာဖွေခြင်း

ကလိန်ကကျစ်
မြွေလိုရစ်တဲ့၊ငညစ်ပတ်တွေ။။။။
ကုန်ဈေးနုန်းမြင့်
သူတို့တို့ပင့်ပြီ၊အကျင့်ညစ်တွေ။။။။
ဆူပူလူပ်ရှား၊မြို့ရွာမငြိမ်
ဟိုအိမ်-သည်အိမ်၊လွန်းလိမ်လက်တို့
သတင်းပို့တဲ့၊"ငါ့ဘို့"သမားတွေ။။။။
ဟိုရမ်း-ဒီရမ်း
လမ်းသလားတဲ့၊လူရမ်းကားတွေ။။။။

ဒီအကောင်တွေ
သဝေမွေ့ပတ်၊တဇပ်ဇပ်ကို
ရပ်တန့်သွားအောင်
ဆောင်ကျဉ်းနှောင်အိမ်၊လက်ဆွဲနှိမ်ဖို့
စိန်ခေါ်ငါက၊တပ်လှန့်ပြီ။။။။

လှူပ်ရှားတဲ့လက်
ထူးခတ်တုပ်နှောင်
လှူပ်ရှားတဲ့ခြေ၊ထိပ်တုံးခွေမယ်။။။။

ငါလျှင်ကြုံးဝါး၊ငါ့စကားနဲ့
လှူပ်ရှားသည့်လက်၊ဖမ်းကိုင်ဖက်သော်
ငါ့လက်ကိုပင်၊ငါလျှင်ကိုင်မိ
သတိကြက်သီး၊သိမ့်သိမ့်ဟီးမို့
ဖမ်းပြီးသည့်လက်၊ကိုင်လျှက်ကချွတ်
လွတ်လိုက်ပါပြီ။။။။။။။။