"မ" - အချစ်လ

ဝိုင်းဝိုင်းကလေး၊တိမ်မျှင်ဘေးမှာ ဖွေးဖွေးကလေးသာနေတယ် ။။။ ငွေစင်ချစ်ရည်၊စိမ့်စိမ့်လည်၍ ဧကြည်သာယာ၊လင်းရောင်ဖြာလို့ ကမ္ဘာကလေး၊ရွှေရင်အေးတယ် ဆုတ်ဆန်းကင်းပ၊ရှုမဝသည် အချစ်လလေး၊ချိုချိုမွှေးက ဆိုတေးမေတ္တာ၊မောင့်ရင်မှာပေါ့ "မရေ" ဘယ်သောခါမှ၊အဆုံးမရှိ။။။။

ကြေးစား

ကံကြမ္မာဟာ
ဘီးလို လည်နေသမျှ
ငါက စမုတ်ချောင်းတွေလို ကျင့်ရမှာပဲ။

ငွေနဲ့ဝယ်ထားတဲ့ နှလုံးသား
ဘယ်လိုအရေပြားအောက်မှာ
ပူနွေးစေမလဲ။
အချိန်ကာလကို
ဖျော်ဖြေဖို့ဆိုတာ
ယဉ်ကျေးမှုကို လိမ်ထားဖို့ လိုလိမ့်မယ်။

ဒီနှစ် ဆောင်းမှာတော့
သစ်တော်သီးတွေ ရှားရဲ့။

ကွေ့ကောက်သောလူတွေအဖို့
မျဉ်းဖြောင့်ဟာ အမှားပဲပေါ့

တိရစ္ဆာန်တစ်ကောင်လို
အစွဲအလန်းတွေနဲ့
ငါ့ခေတ်ကပဲ
ငါ့မျက်လုံးတွေကို သင်ကြားတယ်။

အားလုံး ဉာဏ်နဲ့ဆိုပေမယ့်
စဉ်းစားပုံခြင်းကတော့ ကွာရဲ့။ ။

ဝေမှူးသွင်
(လူပြိန်းအချစ်ဖြစ်ပွားရာ ကဗျာစာအုပ်မှ)

သစ်ရွက်တို့၏ ပေါ့ဆခြင်းများ (ဆ)

(၁၃)
အချစ်ရေ..
နောက်ထပ် အာသာဖြေဖို့အတွက်
ငါ့မှာစကားလုံးတွေနည်းသွားပြီ။

(၁၄)
အဆင်မပြေတဲ့မြူတွေကို
ငါ့ခန္ဓာကိုယ်ပေါ်တပ်ဆင်
အိတ်ထဲမှာ ပိုလျှံနေတဲ့နေ့က ရှားတယ်။

အခုဆို
ပုံသဏ္ဌာန်လား၊အရိပ်လား
နံရိုးတွေလား၊ ညည်းငြူခြင်းလား၊
ငါအားလုံးကို ခွဲခွဲခြားခြားသိပြီ။
အဖြူအမည်း သဲကွဲသွားပြီ။

တစ်ယောက်ထဲ မျက်စိမှိတ်ထားမိချိန်
စိတ်ကူးတွေက ဖောင်းပွ၊
ငါ့သူငယ်ချင်းတွေရော
ဘယ်လမ်းမပေါ် ကျွမ်းပစ်နေကြသလဲ။

အလို… ဟိုမှာ
ချစ်သောမွေးဖွားမှုဟာ
ငါ့ကို လက်ပြနှုတ်ဆက်သွားတော့တယ်။ ။

ဝေမှူးသွင်

သစ်ရွက်တို့၏ ပေါ့ဆခြင်းများ (စ)

သက်တောင့်သက်သာ စီမံကိန်းတို့နဲ့
အဝေးမှာကျန်ရစ်ခဲ့သော အဆုံးအရှုံးများ
မင်းလည်းနာကျင်ခဲ့ဖူးမယ်။
ရန်သူ့မြေမှာ
ငါတို့ခိုနားကြစို့အချစ်။
တို့ရဲ့ကိုယ်ပိုင်စက်ရုံတွေက
ဒဏ်ရာတွေကိုသာ ထုတ်လုပ်ရဲ့။

အဲဒီလိုနဲ့ ငါလည်း
ဖယောင်းတိုင်မီးနဲ့
ငရဲကို ထွန်းညှိလိုက်တယ်။

(၁၂)
အရှေ့အရပ်ကနေ
အနောက်အရပ်အထိ၊
တောင်အရပ်ကနေ
မြောက်အရပ်အထိ၊
အားလုံးသိကြပြီးပြီ။
ငါက တစ်ခါတစ်လေမှ ဖြူစင်သူဆိုတာ … ။

နေ့နေ့၊ညည
သဘာဝတရားရဲ့လက်ဆောင်အဖြစ်
ငါ့ကျန်းမာသန်စွမ်းမှုတွေရှိတယ်။
သုညကြွင်းတဲ့ ကိစ္စတွေအတွက်
ငါ့သစ္စာဆိုခြင်းဟာ ရှိတယ်။

ဘယ်သူ့အတွက်မှမဟုတ်ဘူး
နေလောင်နေတဲ့ ငါ့အရေပြားတစ်လျှောက်မှာ
မျှော်လင့်ချက်ဆင်းဆက်တွေက
ရှင်သန်နေတုန်းပဲ။
ငါ့အသက်တွေလည်း
တစ်ရက်ထက်တစ်ရက် ကြီးလာပြီ။
မနေ့ကကို မနေ့ကအတိုင်း
ထားလိုက်ကြတော့
ဒီနေ့အတွက်
အဲဒီပေါင်မုန့်တွေမှာ အန္တရာယ်ရှိတယ်။

သစ်ရွက်တို့၏ ပေါ့ဆခြင်းများ (င)

(၉)
အားလုံးပြီးဆုံးတဲ့အချိန်
ငါတို့အလွမ်းတွေကိုလည်း
ဆွဲစုတ်ပစ်လိုက်ရုံပါပဲ။

သမိုင်းစာမျက်နှာပေါ်မှာ
အနာတရတွေ မရှိဖို့တော့လိုတယ်။

ငါ့ခေတ်ရဲ့ပြတင်းပေါက်များမှာ
ငါရှိနေဦးမှာပါ။
နယ်မြေဟောင်းမှာပဲ
ခံစားမှုအသစ်တွေကို ရှာဖွေဦးမှာပါ။
လူတန်းစေ့အနုပညာနဲ့
ငါသတ္တိရှိနေဦးမှာပါ။

(၁၀)

ငါ့ဘ၀ပွဲတော်ရဲ့ ရက်စွဲများ
ကုန်လွန်သွားတဲ့အခါ
ငါ့ဘေးမှာ မင်းရှိနေဖို့လိုတယ်။

လူ့မှတ်ဉာဏ်ဟာ
မသုံးတာကြာရင် ပျက်စီးတတ်တယ်။
အခုကြည့်…
ငါဘုရားရှိခိုးအလွတ်မရတော့ဘူး။
ကျောင်းဆင်းချိန်သီချင်းအလွတ်မရတော့ဘူး
ဒီအတွက်တော့ မင်းက
ငါ့မှတ်ဉာဏ်ထဲမှာ ရှိနေဦးမယ်။

ငါတို့ကံကြမ္မာဟာ
ပြောင်းလဲလာတော့မှာပါ။
စိတ်ပျက်မသွားပါနဲ့အချစ်ရယ်
ငါတို့အတွက်
ကံကောင်းတဲ့အချိန်ကာလတစ်ခု
ရောက်လာတော့မှာပါကွယ်။

သစ်ရွက်တို့၏ ပေါ့ဆခြင်းများ (ဃ)

(၇)
ဘယ်သူမှ မဆုံးသေးတဲ့
သံသရာသီချင်းအတွက်
ငါ့အနုပညာဟာ
ဇာတ်နာဖို့လိုရဲ့။
ကျယ်လောင်ဖို့လိုရဲ့။

ချွေးထွက်များတဲ့ အသိဉာဏ်ဟာ
အဘိဓမ္မာဆရာထက် ပါးနပ်တယ်။

အခုကမ္ဘာမှာ အသံတစ်ခုက
အီလက်ထရောနစ်အမှိုက်တဲ့
ငါ့ခေါင်းထဲမှာရော
အဲဒီလို အမှိုက်တွေ ဘယ်လောက်များပြားနေပြီလဲ။
စဉ်းစားရဦးမယ်။

ရောက်ရှိလာတဲ့ မာနတရား၊
ရောက်ရှိလာတဲ့ အနက်ရောင်ထုံးစံ၊
ရောက်ရှိလာတဲ့ မျက်နှာဖုံး၊
နောက်ထပ် ရောက်ရှိလာဦးမယ့် အပျော်တမ်းများ၊
ဒါတွေအားလုံး အရေးပေါ်ဆိုပေမယ့်
မေတ္တရားနဲ့ စာနာမှုကိုတော့
မိုးမခေါင်စေချင်ဘူးပေါ့။
သူတို့နဲ့ ပေါင်းဖော်မှ
လောင်းကျော်မှာ မဟုတ်ပေမယ့်
ငါက ဖဲသမားတစ်ဦးရဲ့ ရင်ခုန်သံကိုမှ လိုချင်သူလေ။

အဲသလိုမျိုး
ကိုယ့်ကိုယ်ကို မှန်ကြည့်ခဲ့
လူ့အဖြစ်ကို ဣနြေ္ဒမဲ့ခဲ့၊
မြေကြီးပေါ်မှာ လမ်းလျှောက်ပစ်ခဲ့။

(၈)
ငြီးငွေ့ခဲ့တဲ့အဖြစ်အပျက်တစ်ခုမှာ
ငါဟာ ဓားစစ်စ်တစ်လက်ဖြစ်ရဲ့
မိမိကိုယ်ကို အဆုံးသတ်ဖို့ပေါ့။

ဟော-
မင်းကြားလိုက်သလားအချစ်ရေ
ငါတို့စစ်ပွဲရဲ့ ဓမ္မတေးသံကို။
လူတစ်ဦးဟာလူတစ်ဦးကို
ဘယ်လောက်အထိ မှားယွင်းပြတတ်သလဲ။
အချိန်တန်တဲ့အခါ
သင်လည်း မေးခွန်းတွေကို ဖြေရမယ်။
ဒါပေမယ့်
ဘယ်မှာလဲ ကျွမ်းကျင်မှု။
ဘယ်မှာလဲ တစ်ကိုယ်တော် ထွက်ပြေးခြင်းဝါဒ
ဘယ်မှာလဲ ခေါင်းကိုက်ရောဂါ။

သစ်ရွက်တို့၏ ပေါ့ဆခြင်းများ (ဂ)

(၅)
ခပ်ငယ်ငယ်အရွယ်
အရာရာကို အရွဲ့တိုက်ဖို့ပဲ စဉ်းစားချိန်
လောကဓံဆိုတဲ့ စကားလုံးကို
ရယ်သွမ်းခဲ့ဖူးတယ်။
အချစ်ဆိုတာကို
ကိုးကွယ်ရူးသွပ်ဖူးတယ်။
အနက်အဓိပ္ပာယ်ကို အလကားကိစ္စလို့
အထင်လွဲဖူးတယ်။

ငါက
ရှိုက်ကြီးတငင်လက်မှတ်တွေကို
အမှတ်တရ သိမ်းထားတတ်သူ၊
စံပယ်တွေကို စွဲလန်းခဲ့သူ၊
ကောင်မလေးတစ်ယောက်ကို ၀တ္ထုရေးဖူးသူ၊
အမှားတွေများလွန်းပေမယ့်
ခဲဖျက်ဆိုတာကို အသုံးမပြုသူ၊
ကြာလာတော့
ကိုယ့်ကိုယ်ကို တွေ့ရှိမှုအဖြစ်
ေ၀၀ါးခြင်းတွေခါးတယ်။

ငါ့ဘ၀ကို
ကစားပွဲတွေနဲ့ဖြတ်သန်း၊
ဒါပေမယ့် အနီကဒ်ကို နှစ်ခြိုက်သူဘောလုံးသမား
ဘယ်သူရှိခဲ့ဖူးသလဲ။

(၆)

အစီအစဉ်အရ
ဆိုခဲ့ပြီးပြီ ..
အောင်မြင်ခဲ့တဲ့ ၀ါကျများအကြောင်း။

သက္ကရာဇ်အဟောင်းတစ်ခုမှာ
ဆန္ဒအသစ်တွေ၊
ငါမစဉ်းစားရသေးတဲ့
နောက်ထပ်နေ့ရက်တွေ၊
ပိန်ပိန်သေးသေး ကောင်မလေးတစ်ယောက်ရဲ့
စိုးရိမ်တကြီးအချစ်တွေ၊
ပရုပ်လုံးရနံ့နဲ့
အင်္ကျီအ၀တ်အစားတွေ၊
အားလုံးကို မကြာခင်ကပဲ
ဟားတိုက်မောင်းထုတ်ပစ်ခဲ့ပြီ။

သင်ရော၊ ကျွန်ုပ်ပါ
ကိုယ့်မှတ်ပုံတင်ကို ကိုယ်
သေချာကြည့်ခဲ့ကြသားပဲ။
တစ်ဦး၏အချိန်များတွင် တစ်ဦး
မသိမသာ ခိုအောင်းခဲ့ကြသားပဲ။
လောကဟာ ငါတို့ကို
ပေါ့ပါးတာနဲ့ တစ်ပြိုင်ထဲ လေးနက်ရမယ်လို့
သင်ကြားခဲ့တာပဲ။

သစ်ရွက်တို့၏ ပေါ့ဆခြင်းများ (ခ)

(၃)
ငါ့နှလုံးသားထဲက
တိတ်ဆိတ်တဲ့ခေါင်းလောင်းထိုးသံ
ဘယ်သူကြားမိသေးလဲ။

ငါ့တစ်ယောက်ထဲ အဖော်မဲ့ညတွေ
မိန်းမတစ်ယောက်ဆီ
ငွေကြေးနဲ့ ကမ်းလှမ်းလိုက်ရင် ကောင်းမလား။

ပထမဆုများ၊
သွေးရူးသွေးတန်းအဖျားဖျား၊
ရုပ်ရှင်ရုံများ၊ ပန်းခြံများ၊
နံနက်ခင်းများ၊ ဒုက္ခများ၊
ဒီလိုရှုခင်းတွေထဲ
ပိုနေရင် ဖယ်ထုတ်ပစ်လိုက်
ပန်းပုရုပ်ထုတယ်ဆိုတာ
မလိုတာတွေကို ဖယ်ထုတ်ပစ်တာပဲ။

(၄)
မြင်ဖူးကြတယ်မဟုတ်လား
ခွေးဟာ ရိုက်နှက်နေတဲ့လက်ကို လျှက်နေတာလေ။
မာယာကော့ဖ်စကီး
(ဘောင်းဘီဝတ်မိုးတိမ်မှ-)

အဲဒီစာပိုဒ်ကို အထပ်ထပ်ဖတ်
ငါ့ရက်စွဲတွေမှာ ကြမ်းတမ်းလွန်းတဲ့သိက္ခာ
သာမန်ပိုးမွှားဆိုပေမယ့်
ရောဂါတော့ဖြစ်နိုင်ရဲ့။

တစ်ကနေစတင်
အဲဒီတစ်မှာပဲ ပြီးဆုံးခဲ့၊
ငါ့ဆီက ထွက်သွားသောစကားလုံးများ
ငါ့ဆီပြန်ရောက်လာတဲ့အခါ
အဓိပ္ပာယ်တွေပြောင်းသွားပြီ။

သစ်ရွက်တို့၏ ပေါ့ဆခြင်းများ (က)

(၁)
ငါ့ဘ၀ရဲ့
ပထမဦးဆုံးစာကြောင်းများ၊
ပထမဦးဆုံးအမှိုက်များ၊
ပြီးတော့…
ပထမဦးဆုံး ရဲရင့်ခြင်းများ
ဒါတွေနဲ့ပဲ
ဒါတွေကို တံခါးခေါက်
လောကဆီကို ရောက်လာခဲ့ပြီ။

(၂)
တစ်ရာသီကနေ တစ်ရာသီပြောင်း၊
ပြက္ခဒိန်တို့လည်း
တစ်ခုပြီးတစ်ခု ဟောင်းသွားကြ၊
ဘ၀မာတိကာရဲ့ ပထမပိုင်းမှာ
“ပိုက်ဆံက အရေးကြီးတယ်” ဆိုတဲ့ ၀ါကျနဲ့နေထိုင်
အလေ့ကျအလွမ်းတွေကို
ကောင်မလေးတစ်ယောက်ဆီ ထားခဲ့ဖူးတယ်။

ဟိုလမ်းမပေါ်က
ယိုင်ရွဲ့နေတဲ့ခြေလှမ်းများလည်း
လုံခြုံနေဖို့လိုရဲ့။
ကမ္ဘာကြီးရဲ့ တစ်ဖက်ဆီမှာ
အသေးအဖွဲ ကိုယ်စီနဲ့
ငါတို့ကြီးကျယ်ကြမယ်။
ရံဖန်ရံခါ ရုပ်ဝတ္ထုတွေအကြောင်း
ဆွေးနွေးကြမယ်။

အဲဒီနောက်မှာတော့
သူများတွေကြားဖို့မလိုတဲ့အသံနဲ့
ငါ့ရဲ့အချိန်ကာလကို ငါကိုယ်တိုင်မောင်းနှင်မယ်။

နောင်အခါ
ငါသေဖို့ လိုအပ်လာတဲ့အခါ
လူသားတို့ ပျော်ရွှင်ကျေနပ်စွာလက်ခံဖို့
သေမင်းနဲ့ တိုင်ပင်မယ်
အမှန်တရားကို နားချမယ်။
ငါ့အတွက် အဆိပ်ခွက်ကို ပြင်ဆင်ထားကြ
ဒီနေရာမှာ ငါ့ကျောပြင်ပေါ်
ရထားတစ်စင်း ခုတ်မောင်းသွားပါစေ။

ကိုယ်ရေးကိုယ်တာ

သစ်ရွက်ကြွေသံတစ်ခုက
ငါ့နားထဲမှာဝုန်းခနဲ
မြည်ဟိန်းသွားရဲ့။

အချိန်မတန်သေးဘဲ
ငါ့တန်ဖိုးတွေကို
မင်းဘာကြောင့်များတိုက်ချပစ်လိုက်ပါလိမ့်။

ဘယ်သူမပြု
မိမိမှုတဲ့ .. ။

လကွယ်သီချင်းတစ်ပုဒ်က
ညထဲကိုဗီဇပြပြီး
ရက်ရက်စက်စက်လွင့်ပျံ့လာတယ်။

ငါ့ရင်ထဲက
အဖြူရောင်စည်းကမ်းတွေအားလုံး
ချိတ်ပိတ်ထားလိုက်ပြီ။
ငါဟာရိုင်းစိုင်းရမ်းကားဖို့
အမြဲအဆင်သင့်ရှိနေသူဆိုတာ
မင်းသိစေရမယ်။

ဘာသဘောလဲ
လှည့်မကြည့်နဲ့
အပျော်ကြေးဆိုပေမယ့်
အန္တရာယ်ရှိတယ်။

နောက်ဆုံးတော့လည်း
ပတ်သက်မိခဲ့သမျှတွေကို
ရယ်မောလွှင့်ပစ်လိုက်ရုံပေါ့။

ငါမပြောချင်ဘူး
မင်းမသိနိုင်ဘူး
အစွန်းမရောက်ရင်
အဲဒါဘယ်တော့မှ အချစ်မဟုတ်နိုင်ဘူး ။ ။

ဝေမှူးသွင်

ရာသီဥတုကို ကြံရာမရနဲ့ ခုခံမိခြင်း

အချိန်တန်ပြီ
မင်းရောငါရော အချိန်တန်ပြီ။

အဲဒီအရှိတရားမှာ
ဆုံးရှုံးသူတစ်ယောက်ရဲ့ကတိ
အဖြူထည် မျက်ဝန်းလေးကိုပဲ နာကျင်မိတယ်။
“နင်မကောင်းဘူးဟာ”
ဒီစကားမှာ
ငါ အသက်မရှူမိတာ အပြစ်လား။
ကိုယ့်ကိုယ်ကိုယ် ဖျောင်းဖျခဲတာ မှားတား။
ဒါဟာ
လောကကြီးရဲ့ စနစ်ကျတဲ့လှည့်ဖျားမှုလို့ပဲ
တို့ယုံထားလိုက်ရအောင်…။

အခုတော့
မင်းအချက်ပေးခဲ့တဲ့ သံယောဇဉ်တွေ
ကြီးကြီးမားမားမှန်း သိလျက်နဲ့
ငါမျက်နှာလွှဲရတော့မှာပေါ့။

ဒီဇာတ်လမ်းမှာ
မင်းက ငါ့ကို အဓိပ္ပာယ်မဲ့စွာ လိုအပ်ခဲ့
ငါက မင်းကို အော်ကြီးဟစ်ကျယ် ရူးသွပ်ခဲ့
ကိုယ့်စွန်ကိုယ်ဖြတ်ခဲ့ကြသလို
ငါတို့ရယ်သွမ်းသွေးခဲ့ကြပြီ။
ရေမှုတ်ကိုယ်စီနဲ့
လောင်ကျွမ်းခဲ့ကြပြီ။

ဒီလိုပါပဲ
မင်းနှုတ်ခမ်းက လက်ဖက်ရည်နံ့တွေဆီ
သစ္စာတရားဟာ အိုမင်းသွားတော့မယ်။
ပြဇာတ်တစ်ပုဒ်ပေါ့
မိုးစက်မိုးပေါက်များရဲ့ အဆုံးမှာ
ငါရှူံးနိမ့်ခဲ့ဖူးတယ်။

ဝေမှူးသွင်
သရဖူ၊ဒီဇင်ဘာ ၂၀ဝ၀

မိုးရေထဲလမ်းလျှောက်ခြင်း

မိုးရေထဲဘဲ
မသဲမကွဲ၊သို့သော်ရဲရဲ
မခွဲနိုင်ဘူး၊ သွားကြဦးစို့
ပြေးလူးတဘက်၊ညွက်ကွေးပက်၍
လက်လက်လွန့်လိပ်၊ပုလဲမြိတ်တို့
ရိပ်ရိပ်ပြေးလိုက်၊ဝေ့တိုးရိုက်သည်
မှောင်မိုက်ထဲမှ ၀ိုးတ၀ါး။


အမှောင်ထက်မှ
လက်ကနဲရှက်၊လျှပ်တပြက်မှာ
သစ်ခက်ရှုံ့,ထစ်၊ကုက္ကိုမြစ်မူ
အဆစ်ခေါင်းပြတ်၊ဒေါင့်မှာညပ်သည်
တွယ်ကပ်မျောညိ၊မြင်မိမိကား
ရေညှိမှိုပွင့်ကလေးပင်။
တိုက်ကြိုတိုက်ကြား
မနားခိုဘူး၊ခြေဦးတည့်ရာ
ရေမှာဒလဟော၊မျောသွားပစေ
မိုးရေလှိုင်းကြား၊ကွဲမသွားအောင်
အပါးတိုးဖက်၊မိုးပက်သည့်ထဲ
မြဲမြဲလက်ကို ကိုင်ထားငဲ့။
လမ်းဆုံးမှာသာ
ရှိုက်ကာစိုးရွံ့၊ပခုံးတွန့်မိ
မြူးကွန့်လျှပ်ပြက်၊မှောင်တ၀က်မှာ
ဟိုဘက်ကမ်းပါး၊ရောက်သွားပစေ
မိုးသက်လေပက်၊အေးစက်စက်မှာ
မောင့်လက်နွှေးက၊နွေးလိမ့်မည်။
တာရာမဂ္ဂဇင်း၊၁၉၄၉

သီချင်းရှင်

တရွက်ကြွေ တရွက်လဲပြန်ပေါ့
ရောင်မွဲ ရွှေရည်ဥကာမှ
စိမ်းနုတွင် စိုစိုသစ်ပါကလား
စိတ်ညစ် အကုန်ပယ်၍
သီတော့မယ်နွေအစောမှာ
ရွှေဥသြ ချိုတေးသံ။


ရွှေဂူမှာ ငွေတူမွမ်းတဲ့ပြင်
စိမ့်စမ်းကြည် ရေကတွက်ရယ်နဲ့
လွမ်းဆွတ်ဘွယ်သည်ဂနိုင်ပ
လှမြိုင်မြိုင် သာဟာစမ်းကိုဖြင့်
ပြိုးပြွမ်းကာ အာရုံဝင်မှ
နွဲ့ရွင်ရွင် ဘိုးခေါင်ညဉ်းတယ်
သီချင်းကြီး သီချင်းခံ။
သည်ဘိုးခေါင် သည်ဥသြရယ်က
အပြောချိုသံလွင်ဟု
ကဗျာရှင် စာယဉ်ဖွဲ့ရှာကြ
နွဲ့ရရဲ့ နုသဟန်
တေးသံရင့်သီကုံး။
မောင်ဒါရှု
အသက် ချစ်ရည်တူနဲ့
လိုဏ်ဂူမှာပြိုင်တူပန်တဲ့
မေ့အသံညက်ညက်အေးကိုမှ
တေးအမှန်သီချင်းစစ်ပေဘဲ
အချစ်စေတနာက
သာယာအောင် ချော့မြူဆောင်တော့
ဘိုးခေါင်ဟာ ဘယ်လိုပြောသော်လည်း
ဥသြ ရင့်တကြူထက်
ခင်နွဲ့မူ အသံကြားခါမှ
မောင့်နားမှာ လဲ့လဲ့ရွှန်းတယ်
ကွန်းလွတ်ခေါင်ဆုံး။
ဒဂုန်မဂ္ဂဇင်း ၊၁၉၃၈

မတ်လတော်လှန်ရေး

်မိုးကုပ်ကုပ်ဝယ်
အို-ရုတ်တရက် ၊ မျဉ်းဖြူစက်၍                                               

ကွဲအက်ကြောင်းရာ ၊ဟ ဟ လာပြီး
မိုးပြာကိုဖြတ် ၊ပတ္တမြားရည်
စီးလည်အဟုန်၊နီမြန်းကုန်သည်
အရုဏ်ပေါ်စ ၀ိုးတ၀ါး ။
မှုန်မွှားမွှားလျှင်
ဝိုးဝါးတိတ်ဆိတ် ၊ ကြယ်ရောင်ရိပ်ဝယ်
မြစ်ဆိပ်နှင့်လည်း ၊ မနီးမဝေး
ချောင်းရိုးဘေးမှ ၊ ဖြေးဖြေးညင်းညင်း
လှေတစင်းထက် ၊ တောတွင်းသားပျို
ဖျဉ်လက်တိုနှင့် ၊ ကိုယ်ကိုဝပ်ရ်ျ
စိုက်စိုက်ရှေ့သည်၊ ခြောက်သွေ့မြက်ထုံး
ကောက်ရိုးဖုံးလျက် ၊ ကွယ်ပုန်းဝှက်လာ
ယူကာ လက်ထောက် ၊ အလျားမှောက်သည်
လှေအောက်ဝမ်းမှ စက်သေနတ် ။
အမှောင်ရိပ်ဝယ်
မှေးမှိတ်ငြိမ်သက် ၊ ချောင်းကွေ့ထက်တွင်
အုပ်ယှက်ထွေးရော ၊ သင်ပေါင်းတောဧ။်
နောက်ကျောစေးပျစ် ၊ သောင်ရေစစ်မှ
ဖက်စစ်ကင်းစောင့် စစ်စခန်း ။
ချောင်းကိုကွေ့သော် ၊
တွေ့လျှင်တွေ့ချင်း ၊ မြေငူရင်းသို့
ချဉ်းကပ်လှော်ကာ ၊ နီးရ်ျ လာလျှင်
အသာရုတ်ချင်း ၊ တိတ်ဆိတ်မင်းကို
ဖြိုခွင်းပြင်းထန် ၊ သေနတ်သံသည်
မြစ်ယံပဲ့တင် ထပ်သတည်း ။
ငွေလရောင်လျှင်
အမှောင်ညရိပ် ၊ သေးသေးစိတ်သား
မိုးထိပ် တိမ်မော် ၊ငြိမ့်ငြိမ့်ပေါ်သည်
သော်တာပြုံးလဲ့ ၊ ငုံ့ကာကြည့်ရှင့်
ထွန်းသည့် ညဥ့်ခါ ၊ ထိန်ထိန်သာသော်
ကျယ်စွာ ၀န်းလျား ၊ လယ်ကွင်းနားမှ
တောဖျား ညို့အုပ် ၊ မှိတ်တုတ်တုတ်လျှင်
ယိမ်းလှုပ်ပြကာ ၊ မီးအိမ်ဝါနှင့်
အာကာပြာမှိုင်း ၊ တွဲတွဲဆိုင်းရ်ျ
ဖြူဝိုင်းစက်စက် ၊ ဆင်းလာသက်မှ
လက်လက်ရောင်ထင် ၊ ကျသွင်သွင်သည်
လေယာဉ်ပေါ်မှ စစ်ရိပ်ကာ ။
ရွာတစ်ရွာကား ၊
ျမှိုင်းပြာမဲညို့ ၊ မီးရှို့လောင်ကျွမ်း
တင်းဝင်ရမ်းကြောင့် ၊ ပရမ်းပတာ
ထွက်ပြေးရရှာ ၊ လဟာသွေ့သွေ့
ခိုးငွေ့ဝေေ၀ ၊ မီးလောင်မြေမှာ
ွနွမ်းခွေပျောင်းယဲ့ ၊ ညင်းလေဖွဲ့က
သဲ့သဲ့ ခွေးဟောင်သံ တကား ။
ခရေပွင့်လျှင် ၊
ကြွေရင့်ဝါ၀ါ ၊မြေထက်မှာလျှင်
ရောကာပေါင်းယှက် ဟောင်းသစ်ရွက်နှင့်
တ၀က်မောင်းနီ ၊ ဝေ့လည်လည်ကို
လေချီသုတ်ဖြူး ၊ နီဝါကူးသည်
နွေဦးပေါက်မို့ ရော်၇ွက်ကြွေ။
ရင့်ကြွေ ညောင်းသည်
ရွက်ဟောင်း စွန့်ပစ် ၊ ဘ၀သစ်သို့
သနစ်ပြောင်းမည် ၊ ဖူးသစ်မီသည်
အနီထဲမှ ကြယ်ဖြူပွင့် ။
ဒဂုန်တာရာ

ငါ့နိုင်ငံရဲ့အလံတော်

အလံဆိုတာ

ပျံနေရတယ်။

ငါ့နိုင်ငံသူ

ရန်သူဆီ

ချီတက်

ချီတက်

ချီတက်။


အလံကို

သံနဲ့ရိုက်ကပ်

သပ်နဲ့ဖိကုပ်

မလှုပ်မယှက်။

ငါ့နိုင်ငံသူ

အလံတော်ဆီ

ချီတက်

ချီတက်။ ။

သစ္စာတိုင်

ဒီတောင်ရိုး
ကျားဆိုးပေါရဲ့။

မောင့်အချစ်
မျှစ်ချိုးလိုက်ခဲ့..။ ။

ကြည်အောင်

လမင်းတရာ

လမင်းတရာ၊ ညအခါဝယ်
ကမ္ဘာအနှံ့ သာလျက်ပါ။

တရုတ်ပြည်မှ…..
ရေကြည်ရစ်ဖြာ၊ မြစ်သဲဝါ၀ယ်
ညခါလမင်း၊ ရေသောက်ဆင်း၏။

ဆိုဗီယက်မှ…..
မြစ်မစိမ်းပြာ၊ ဗော်လဂါဝယ်
ညခါလမင်း၊ ရေချိုးဆင်း၏။

တိုင်းအီဂျစ်၏…..
နိုင်းမြစ်ရေပြင်၊ လမင်းရှင်သည်
ပျော်ရွှင်ကခုန်၊ လှိုင်းရေစုန်နှင့်။

မစ္စစ္စပီ၊ မြစ်နဒီဝယ်…..
သိင်္ဂီရွှေနှိုင်း၊ လမင်းဝိုင်းသည်
ရေလှိုင်းယက်ကြား၊ ပြေးကစားလျက်။

အိန္ဒိယ၏…..
မြစ်မဂင်္ဂါ၊ ရေကြည်ပြာဝယ်
ညခါလ,ရိပ်၊ လျောင်းပျော်အိပ်လျက်။

ပြည်မြန်မာ၏…..
ဧရာဝတီ၊ ရေပြာကြည်ဝယ်
ပီပီရွှန်းရွှန်း၊ လပြည့်ဝန်းသည်
ပေါ်ထွန်းကြည်လင်၊ ရွှေရိပ်ထင်လျက်
ရေပြင်လှိုင်းယက်၊ တလက်လက်။

လမင်းတရာ၊ သည်ကမ္ဘာဝယ်
သာလျက်အစဉ်ပါတကား။

သို့တစေလည်း…..
သူ့ရေမြေပေါ်၊ စစ်ကျူးကျော်သော်
ရွှေလှော်အဆင်း၊ ဖိုးလမင်းသည်
မြစ်တွင်းငုပ်လျှိုးသွားတကား။

မြစ်မရေတွင်း၊ စစ်ကျော်နင်းလျင်
လမင်းမှုန်ရီ၊ သွေးစွန်းနီကာ
ပီပီမလင်းနိုင်ရှာပေ။

ကမ္ဘာမြေပေါ်…..
ကျူးကျော်စစ်ခင်း၊ နယ်ချဲ့နင်းက
လမင်းတရာ မသာနိုင်။

လမင်းတရာ၊ သည်ကမ္ဘာဝယ်
သာလျက်ထိန်ကြည်၊ ငြိမ်းအံ့ရည်၍
တိုင်းပြည်ကိုကျူး၊ နယ်ချဲ့ရူးကို
တပ်ဦးဖွင့်ကာ တော်လှန်သည်။

နယ်ချဲ့ကင်းမှ…..
လမင်းလည်းသာ၊ ကမ္ဘာလည်းအေး
တေးလည်းအနှံ့၊ ပန်းသင်းပျံ့လိမ့်
နိုင်ငံ့ပြည်သူ နိုးကြားသည်။

နယ်ချဲ့ကင်း၍…..
လမင်းတရာ၊ သာသောခါဝယ်
ကမ္ဘာငြိမ်းချမ်း လာလိမ့်တကား။ ။

ကြည်အောင်

အချစ်

အဖိုးအိုလျှင်…..
ညောင်ညိုရိပ်အောက်၊ ပုဆိန်မြှောက်ကာ
ထင်းပေါက်ခွဲပြီး၊ ချွေးဖြာစီး၏။
အဖွားအိုက….
ရေချိုတခွက်၊ လက်လှမ်းဆက်သည်
အော်…. သက်ရွယ်ခါးကုန်း၊ သွားကြွေပြုန်းလည်း
ချစ်တုန်းခင်တုန်းပါတကား။

ငွေတာရီမဂ္ဂဇင်း ၁၉၆၃

မခေါ်တမ်း ကစားခြင်း

တမင်စိမ်းပြီပေါ့….
မကြင်လို့ တိမ်းချင်လဲတိမ်းပါ
ယိမ်းသလို ရှောင်သလိုနဲ့
ဟန်ဆောင်ကာမျက်မာန်တင်း
မြင်ပြင်းကပ်ဟန်တူရဲ့
ငြူစူစူခင့်နှုတ်ခမ်းက
ပန်းနှင်းဆီ မုန်းယောင်သန်း
မခေါ်တမ်း ကစားရအောင်လေ။

နောင်တော့မှ…
မောင်တော့သတိထား
ဟိုသွားဒီလာနဲ့
ကဗျာဆရာ လူတေကြီး
ဆံမဖီးမသင်နဲ့
မုတ်ဆိတ်မျှင် သူ မရိတ်
ဆေးလိပ်တို တဖွာဖွာပေါ့
ယောင်ချာချာမနေပါနဲ့
ခင်ကလေ… မောင့်ကိုမုန်းပါဘု
ရှက်ပြုံးကာ လာမချော့လှာနှင့်
မောင့်မှာလေ… တအားလျော့ပြီ
ခုတော့ တေပေ။

မောင်ရယ်…. လိမ်လိမ်မာမာနဲ့
ခင်ပြောတာ နားထောင်စမ်းပါ
ဒီကလဲသူ့ကိုလွမ်းရတာဘဲ
မခေါ်တမ်းကစားပွဲကို
ရပ်စဲကြစို့လေ….
မျက်ရေနဲ့ ခင့်စကား။

ချစ်သူကပြောတော့…
လွမ်းမောသူ ဟန်မဆောင်နိုင်ဘု
ဆေးလိပ်တောင် ဖြတ်ပစ်မယ်
အချစ်မကြိုက်ယင် မောင်မသောက်ပါ
နောက်တော့သာ… မခေါ်ချင်သလိုနဲ့
ခင်… တမင် ငြိုငြင်တိမ်းပြီး
စိမ်းနဲ့ သိလား။

နိဗ္ဗာန်ဈေး

လာခဲ့ပါ့ကိုရင်ရယ်၊
တန်ဆောင်တိုင်နိဗ္ဗာန်ဈေး
ခေါ်ကျွေးဘူးကွယ်။

မုံ့လုံးကချိုတယ်၊
လာမယ်နော်ဟုတ်လား။
မလေးခင်ခေါ်စကား
ချိုမြလှသား။

ကလေးတို့ စားကြကွယ်၊
ရွာဘုံလှူ နိဗ္ဗာန်ဈေးမို့
လွေးလိုက်ကြတယ်။

လေးခင်က မုံ့ညက်နယ်၊
ဆယ်ပါဟ မိလှမျိုး။
ရေနွေးဆူမုံ့လုံးပွက်အောင်
မီးဆက်ကာထိုး။

ရွာလယ်ရပ်အဖွားသီ၊
ပတီးကိုင်တရားဖက်
သက်ရာကျော်ပြီ။
ရေပေါ်မုံ့ချိုဆိမ့်အီ၊
ခွေးနီရေ သွားပို့စမ်း။
လျှာရသာ တမျိုးထူးအောင်
ဖြူးလိုက်ပါနှမ်း။

မင်းသားဟန်လူညိုနွဲ့
လေးခင်ရဲ့ကိုရင်ညို၊
တန်ဆောင်တိုင် လပြည့်ဝန်းနှယ်
ရွှန်းမြလို့ချို။
ဝါးပလွေတို၊ လေချိုကတေး၊
ကျော်ထွေးငယ် အဖော်မွန်က
ခွန်နှစ်သံ ငါးပေါက်တွဲလို့
ဟဲလိုက်တယ်လေး။

နိဗ္ဗာန်ဈေး ရွာဘုံလှူ၊
စေတနာမွှေးပျံ့သင်း
စိတ်ရင်းကြည်ဖြူ။

သွားကြစို့ အတူတူ၊
ကိုယ့်လူလဲလိုက်ခဲ့။
ကျော်ထွေးငယ်အစားပုပ်က
လိုက်ချင်ပေါင် တွန့်ဆုတ်ဆုတ်နဲ့
ဟန်လုပ်သတဲ့။

လေးခင်ကဆီးလို့ကြို၊
အပျိုကြီး မဂေါက်တေးက
မေးငေါ့သကို။
ချစ်သူများ မနာလို၊
အပျိုကြီးစိတ်ထား။
ကလေးငယ်အချိုကြိုက်ယင်လဲ
ရိုက်တတ်တယ်လား။

စားလိုက်အုံး ကိုရင်ညို၊
စေတနာပီတိဖုံးလို့
မုံ့လုံးကချို။
လေးခင်ပျို၊
ပိုလိုက်သည့် ချစ်လောကွတ်။
ပန်ဆင်သူ ဆွတ်ချွေခူးဖို့
ကြာဖူးကညွတ်။

တရှူးရှူး တရှဲရှဲ
မျက်ရည်ရွှဲပြုံးမလို၊
မုံ့လုံးချို ငရုတ်စပ်နဲ့
နှပ်ကြပြီကို။

လူဟန်နွဲ့ကိုရင်ညို၊
စိတ်မတိုပြုံးနိုင်သား။
ချစ်ဦးပျိုသူ့ခင်လေးက
တွေးလို့သနား။

အပျိုကြီး မဂေါက်တေး
ဆေးပေါ့လိပ် ပြုံးလို့ရှူ၊
ကိုရင်ညို ငရုတ်စပ်တော့
ကျေနပ်သည့်မူ။

မဂေါက်တေး ကြိုက်မဲ့သူ၊
ဤဇမ္ဗူအရှားသား။
ယစ်ထုပ်မောင် ထန်းတောစားနဲ့
ညားလိမ့်မယ်လား။

လူထုသတင်းစာ၊ ၁၉၆၁ ခု။

ငန်းရိုင်းတကောင်

ဟစ်ကြော် ပျံသန်း ရင်ပေါင်တန်းနေ
တောငန်း တအုပ် ၀ါဂွမ်းဆုပ်လို
လှုပ်လှုပ် ဖွေးဖွေး ဝေး ဝေး ဝေး ပေါ့
ရေးရေး မှုန်မှုန် ၀ိုးတ၀ါး။

နောက်ဆုံး နေရောင် ငန်းတကောင်ဟာ
တိမ်မှောင်တွေအောက် ငန်းအုပ်နောက်ကို
လမ်းပျောက် မှန်းမျှေုာ် တကြော်ကြော်နဲ့
ဖော်ခေါ်သံပေး ဝေး ဝေး ဝေးပေါ့
ညရေး မှိုင်းညို အမှောင် မျိုချိန်
တိမ်ပြို လျှပ်ပြက် ငန်းရိုင်းနက်ကယ်
မိုးသက် မုန်တိုင်း ဆင်တော့မယ်။

အတ္တရုပ်ပုံလွှာ ပုံကြမ်း

အမေက မွေး၊ ပေးတဲ့ နာမည်
ကြည်လင်

အပေါင်း အသင်း
သူငယ်ချင်း အဖော်၊ ခေါ်ကြတဲ့ နာမည်
ကြည်လင်

ကြည်လင်ဟာ
လီနင်ရဲ့ ကျမ်းပေါင်းစုံကို
ယုံကြည် မြတ်နိုး၊ အသိပျိုးတယ်။

ကြည်လင်ဟာ
ဘုန်းကြီး ကျောင်းသား
တက္ကသိုလ် ကျောင်းသား
လုပ်စား ကိုင်စား
ပြေးလွှားခဲ့ရ
ဘ၀အလွှာ၊ မျက်နှာ ပေါင်းစုံ
ဇာတ်ခုံပေါ်မှာ၊ ကခဲ့ရာ….

ဟော… ခုတော့
ကဗျာဆရာ၊ ကလောင်နာမည်
ကြည်အောင်

ကြည်အောင်ဟာ
ရီမှောင်ပြာစင်၊ စာရေးဖို့ပြင်လျှင်
ကြည်လင်နဲ့ ငြင်းခုံတယ်။

ကြည်အောင်ဟာ
ဟော်လန်ပြည်က၊ ပန်းချီဆရာ
‘ဗင်ဂိုး’
မြန်မာပြည်က၊ ကဗျာဆရာ
‘တင်မိုး’ တို့ကို နှစ်ခြိုက်သူ။

ကြည်လင်ဟာ
ရုရှားက
‘မာယာကော့ဖ်စကီ’ နဲ့ ‘ဂေါ်ကီ’
အီတလီက ပန်းချီဆရာ
‘မိုဒီဂလီယာနီ’
မြန်မာပြည်က
‘ဗန်းမော်တင်အောင်’ နဲ့ ‘ဇော်ဂျီ’ တို့ကို ဖတ်မှတ်သူ။

ကြည်လင်က
ကြည်အောင်ရဲ့
ကလောင်တလက်၊ ‘ဗားတော့ဗရက်’ လို
ထက်မြက် ထင်ရှား စေချင်တယ်။

ကြည်လင်က
ကြည်အောင်ရဲ့ ၀ိညာဉ်ထဲ
သခင်ကိုယ်တော်မှိုင်း ပန်းရနံ့
မွှေးပျံ့သင်းကြိုင် စေချင်တယ်။

ကြည်အောင်ဟာ
ကြည်အောင်ရဲ့ ရုပ်ပုံလွှာကို
ကဗျာဆရာအဖြစ် ထုလုပ်တယ်။

ကြည်လင်ဟာ
ကြည်လင်ရဲ့ ရုပ်ပုံလွှာကို
ကြည်အောင်တို့လို ကဗျာဆရာတွေက
အလေးယူစရာ
ဖြစ်လာစေဖို့၊ ‘ဆေးတို့’ ကြည့်တယ်။

ရွှေ… အနီ အပြာ အ၀ါ
ဘာရောင်တွေ ခြယ်မလဲ။

ကြည်အောင်နဲ့ ကြည်လင်တို့ရဲ့
ဝိညာဉ် ၂ ခု စစ်ခင်း
အတွင်း ပဋိပက္ခ၊ အားပြိုင်ကြ။

မာယာကော့ဖ်စကီ
မိုဒီဂလီယာနီ
ဂေါ်ကီ၊ ဇော်ဂျီ
လီနင်
ဗင်ဂိုး၊ တင်မိုး။

သခင်ကိုယ်တော်မှိုင်း
ဗန်းမော်တင်အောင်
ကြည်လင့် ရင်ထဲက…
ထာဝရ အလင်းရောင်။ ။

ကန္တာရရဲ့ ဒီဇင်ဘာလမင်း

ကိုယ်ရဲ့ ကန္တာရဆန်တဲ့ နှလုံးသားတစ်ခုကို
ကန္တာရထဲမှာသာတဲ့ ဒီဇင်ဘာလရဲ့ လမင်းတစ်စင်းရဲ့
အေးမျှခြင်းလို အချစ်တွေ မင်းပေးခဲ့တယ် . . .
မောင်ရဲ့ ကန္တာရဆန်တဲ့ နှလုံးသားဟာ ဖြိုးရဲ့အချစ်တွေနဲ့
အေးမျှလန်းဆန်းခဲ့တယ် . . .
မောင်နဲ့ ဖြိုးတို့နှစ်ယောက်ဟာ စွပ်စွဲချက်တွေများ
ထင်မြင်ချက်တွေမှားပြီး ဝေးရတော့မယ် . . .
ဝေးခဲ့ရမယ်ဆိုရင်တော့ မောင်ရဲ့ စိမ်းလန်းအေးမျှနေတဲ့
နှလုံးသားတစ်ခုဟာ . . . .
ဘာမှ ထွန်ယက်စိုက်ပျိုးလို့ မရအောင် ကန္တာရဆန်ခဲ့လိမ့်မယ်
မောင်ရဲ့နှလုံးသားဟာ မီးသဂြိုလ်ဖို့စောင့်နေတဲ့ . . .
လူသေကောင်လိုပါပဲ . . . .
ပြာကျသွားတဲ့အထိ သဂြိုလ်လိုက်ပါ . . .
မောင်ရဲ့ချစ်တတ်တဲ့ နှလုံးသားကို . . . .
မောင်သိပ်ချစ်ခဲ့တဲ့ ဖြိုးဆီမှာပဲ အပြီးတိုင်သဂြိုလ်လိုက်ပါမယ် .
မောင်ရဲ့ နှလုံးသား ဈာပနကို
မင်းပဲ ခမ်းနားအောင်စီ၇င်လိုက်ပါ . . .
မောင်ဘ၀ ကန္တာရထဲမှာ ဒီဇင်ဘာညတွေပျောက်ဆုံးကုန်ပြီ .
အေးမျှသာယာခြင်းတွေ သေဆုံးကုန်တော့မယ် . . .
သက်ဆုံးတိုင်ပူလောင်ခြင်းတွေနဲ့ . . .
လောင်မီးကနေတဲ့ ဘ၀တစ်ခုနဲ့ ရှေ့ဆက်ရတော့မှာပေါ့ . . .
မင်းအတွက် ဒီဇင်ဘာညရဲ့ လတစ်စင်းလို
အအေးဓါတ်ပေးနိုင်တဲ့ သူနဲ့ တွေ့နိုင်ပါစေ . . .
မောင်ကတော့ မင်းအတွက် ကန္တာရတစ်ခုလို ပူလောင်လွန်းပါတယ်. . . .
မင်းအတွက် အေးမျှမှုတွေ မပေးနိုင်ခဲ့ဘူး . . .
မင်းဘ၀အတွက် နေ့ရက်တွေတိုင်းဟာ ဒီဇင်ဘာညတွေသာ
ဖြစ်ပါစေတော့ကွာ . . . . .

မိခင် မာရသွန်

သား သယ့်  အမေ
မိုင်ရှည် တာ ဝေး
အပြေး သမား။

သားသမီးချစ်
သက်လုံ ဖြစ်အောင်
ပြောင်း ပစ် သလား။ ။

ကြည်အောင်
( ရှုမဝ၊ ဒီဇင်ဘာ )